உதைபந்து

Thursday, April 19, 2012

ரஜினியின் "பாபா' தோல்விக்கும் பார்சிலோனாவுக்கும் என்ன சம்மந்தம்? - நான் சப்பைக்கட்டு கட்டுகிறேன் அல்லது உண்மையை சொல்கிறேன்!


இந்த பஞ்சாயத்துக்கு என்ன எதுக்குடா இழுக்கிற?



உதை பந்து தொடர்பில் பதிவுகளை எழுதும் உத்வேகத்தில் நான் எழுத ஆரம்பித்திருந்லும் அது எந்தளவிற்கு வரவேற்பை பெறும் என்பது எனக்கு ஒரு கேள்வியாகவே இருந்தது. நான் எழுதிய முதல் உதைபந்து பதிவில் ஒரு பின்னூட்டம் + 100 ஹிட்ஸ் கூட கிடைப்பது சந்தேகம் என்று எழுதியிருந்தேன். ஆனால் இதுவரை எழுதிய இரண்டு உதை பந்து பதிவுகளும் பலத்த வரவேற்பை பெற்றிருக்கின்றது என்று பொய் சொல்லவில்லை சுமாராக ஒரு 400- 500 ஹிட்ஸ் கிடைக்கிறது, அத்தோடு பின்னூட்டங்களும் வருகிறது. "அருமை நண்பா' ரக பின்னூட்டங்களை தாண்டி சிறந்த உதைபந்தாட்ட ரசிகர்களிடமிருந்து பிரயோசனமான பின்னூட்டங்கள் வந்திருப்பது எனக்கு தொடர்ந்தும் அவ்வப்போது உதை பந்து பதிவுகளை எழுத ஊக்கம் தருகிறது.

இது ஒரு பதிவாகவே எழுத எண்ணம் இருக்கவில்லை. (அப்போ என்ன வெண்ணைக்கு எழுதின என்று நீங்கள் கேட்பதி நியாயம் இல்லாமல் இல்லை. #இருக்கு எண்டுறியா? இல்ல எண்டுறியா?). சரி மேட்டருக்கு வருவோம் நேற்று இடம்பெற்று முடிந்த சம்பியன்ஸ் கிண்ண போட்டி தொடர்பில் நான் எழுதிய முன்னோட்டப் பார்வை பதிவை பார்த்துவிட்டு , நடந்து முடிந்த போட்டி தொடர்பில்  நண்பர் JZ தந்த பின்னூட்டங்களுக்கு பதில் தர ஆரம்பித்தேன் , கொஞ்சம் எழுத தொடங்கி விட்டு பார்த்தால் அது ஒரு பதிவு ரேஞ்சுக்கு நீண்டிருந்தது. சரி வந்தவரைக்கும் லாபம் என்று , கொஞ்சம் மேலதிக பிட்டுக்களும் சேர்த்து ஒரு பதிவாக தயாரித்து விட்டேன். (எப்படி என் சாமர்த்தியம்? # உன் சாமர்த்தியத்தை நாய் விறாண்ட) இதை நண்பர் JZ தனக்குரிய பதிலாக பார்க்கலாம், ஏனையோர் "பார்சிலோனா எதிர் செல்சியா நடந்தது என்ன ?" ரீதியில் படித்துக் கொள்ளலாம்.

இது ஒரு பின்னூட்டமாக தயாரிக்கப்பட்டு பின்னர் பதிவிடும் நோக்கத்தில் தொகுக்கப்பட்டது. எடிட்டிங்கில் ஏதாவது கோளாறாகி தொடர்புத்தன்மை எங்காவது காணாமல் போயிருந்தால் மன்னிச்சூ....

நண்பரே தங்களது வரவுக்கும் பின்னூட்டத்துக்கும் எனது ஆத்மார்த்தமான நன்றிகள்! தொடர்ந்து உங்களது ஆதரவு எனக்கு வேண்டும். 




2009 என்பது முடிந்து போனது அதைப்பற்றி இப்போது பேசுவது அர்த்தமற்றது என்பது எனது தாழ்மையான கருத்து, அத்தோடு நடுவரின் பிழையான தீர்ப்பு என்பது பார்சினோலாவின் தவறில்லையே! இதை பதிலடியாக நீங்கள் எடுத்துகொண்டால் அதை இல்லை என்றும் மறுக்க முடியாது. நான் பார்சிலோனாவின் தீவிர ரசிகன் தான் , ஆனால் நடுநிலமையான உதைபந்தாட்ட ரசிகன். எனது பதிவைப் பார்த்தால் அது உங்களுக்கு புரிந்திருக்கும். நான் செல்சியாவை குறைத்து மதிப்பிடவில்லையே! நேற்றைய போட்டியில் செல்சியா வெல்லும் அல்லது சமநிலை என்று தானே குறிப்பிட்டிருந்தேன்.



ஆனால் நேற்றைய போட்டியை நீங்கள் பார்த்திருந்தால் புரிந்திருக்குமே, யார் பக்கம் ஆட்டம் இருந்தது என்று! 80% பந்து பார்சிலோனாவின் பக்கமே இருந்தது, அது போக நேற்றைய ஆட்டத்தில் அறிவிப்பாளர்கள் கூட பார்சிலோனா தான் ஃகோம் டீம் போல ஆடுவதாக குறிப்பிட்டிருந்ததை அவதானித்திருப்பீர்கள். உங்கள் மன சாட்சிக்கு தெரியும் எந்த அணியின் ஆட்டம் நேற்று சிறப்பாக இருந்தது என்று. சனியாஸ் ஒன்று , பண்ணாட ஃபப்ரிகாஸ் இரண்டு இறுதி நிமிடத்தில் பெட்ரோ ரொட்ரீகஸ் ஒன்று என்று இலகுவாக அடித்திருக்க வேண்டிய நான்கு கோல்களை பார்சிலோன தவறவிட்டது காலக் கொடுமை என்பதை விட வேறு என்ன சொல்வது?


ஸ்பெயின் டீமில இடம் கெடச்ச மாதிரி தான்!



செல்சியாவின் மைதானத்தில் இவ்வாறான ஒரு சிறந்த ஆட்டத்தை பார்சிலோனாவால் வெளிப்படுத்த முடிந்திருகிறது என்றால் அவர்களது கோட்டையான நியூ கேம்பில் அவர்களது ஆட்டம் எப்படி இருக்கும் என்பதை என்னால் ஊகிக்க முடிகிறது. நான் எனது பதிவில் கூறியது போல இரண்டு கோல்களுக்கு அதிகமான கோல் அடித்து பார்சிலோனா வெல்வது உறுதி. இதை பார்சிலோனா ரசிகனாக சொல்லவில்லை ஒரு உதைபந்தாட்ட ரசிகனாக சொல்கிறேன்.நீங்கள் என்ன சொல்கிறீர்கள்?



சொல்லப்போனால் செல்சி நேற்று ஆடிய தற்காப்பு ஆட்டம் அர்த்தமற்றது, காரணம் தங்களது சொந்த மைதானத்தில் தாக்குதல் ஆட்டம் ஆடி எதிரணிக்கு குறைந்தது இரண்டு கோல்களாவது அடித்தால் மட்டுமே பார்சிலோனா போன்ற வலிமையான அணிக்கு எதிராக அவர்கலது மைதானத்தில் தாக்குபிடிக்க முடியும். 

செல்சியாவின் தடுப்பு ஆட்டம் அவர்கள் திட்டமிட்டு செய்தது இல்லை, வெளி மைதானத்தில் தடுப்பு ஆட்டம் ஆட வேண்டிய பார்சிலோன யாரும் எதிர் பார்க்காத வண்ணம் தாக்குதல் ஆட்டத்தை வெளிப்படுத்த தொடங்கியதால் செல்சியா தடுப்பு ஆட்டத்துக்கு நிர்பந்திக்கப்பட்டது எனலாம். ஏன் சொல்கிறேன் என்றால் போட்டியின் முதல் பதினைந்து நிமிடங்கள் செல்சியா தாக்குதல் ஆட்டத்துக்கு முனைந்ததை நீங்கள் அவதானித்து இருப்பீர்கள். ஆனால் அதை பொருட்படுத்தாமல் பார்சிலோனாவும் தாக்குதல் ஆட்த்தை தொடரவும் வேறு வழியின்றி தனது துருப்புக்களை பின் நகத்தியது செல்சியா. செல்சியாவின் நோக்கம் தாக்குதல் ஆட்டம் ஆடி பார்சிலோனாவின் பலவீனப்பட்ட பின்களத்தை ஊடுருவி  இரண்டு கோல்களாவது போடுவதாகதான் இருந்திருக்க வேண்டும்.

ஆனால் செல்சியாவின் இந்த நோக்கத்தை அறிந்து தானோ என்னமோ பார்சிலோனா தடுப்பில் இறங்காமல் தாக்குதல் ஆட்டத்தையே வெளிப்படுத்தியது. சும்மா சொல்லக்கூடாது நான் குறைத்து மதிப்பிட்ட கிழட்டு சிங்கம் புயோலின் ஆட்டம் சிறப்பாகவே இருந்தது. யாரும் எதிர் பாராமல் ட்ரகோபா அடித்த அந்த கோல் தவிர செல்சியாவின் எந்தவொரு வீரரும் ஆடுவதற்கு புயோல்+ பார்சிலோனாவின் பின்களம் இடம் தரவில்லை என்றால் மிகையாகாது.

வட போச்சே!


நான் எதிர் பார்த்த அளவுக்கு செல்சியாவின் ஆட்டம் அவளவு சிறப்பாக இல்லை என்று தான் சொல்லுவேன். வயதாகி விட்டது அவர்கள் உடல் தகுதி போதாது என்று நான் குறிப்பிட்ட ட்ரக்கொபா கிஷோகர் சொன்னது நியாயம் என்பதை நேற்று நிரூபித்தார், பார்சிலோனாவின் பின்களவீரர்களது (நியாயமான + நியாயமற்ற) தாக்குதல்கள சமாளிக்க முடியாமல் திணறினார், அது போக தானே சில வேளைகளில் யாரும் தட்டி விடாமலே கீழே விழுந்தார். இந்த திணறல் ஆட்டம் நியூ கேம்பில் சுத்தமாக எடுபடாது. ஆனாலும் ஒரு கோல் அடித்து ரசிகர்களின் நாயகனாகி போனார்.


லம்பார்ட் மைதானத்தில் இருந்தாரா , இல்லைய என்பதே எனக்கு தெரியவில்லை. ஆஸ்லே கோல் சுமார், டெர்ரி எதிர் பார்த்ததைவிட சொதப்பல் ரகம் தான். ஆனால் செல்சியாவின் அசத்தல் இளம் வீரர் மியரல்ஸின் ஆட்டம் பிரம்மிக்கவைத்தது. அடுத்து அணியின் கோல் காப்பாளர் பீட்டர் சேச், மனிதர் இல்லாவிட்டால் பார்சிலோனாவுக்கு இரண்டு கோல் உறுதியாகியிருக்கும். அது போல் நடுக்கள வீரர் ரமிர்ஸ், மற்றும் மிகெல் ஆகியோரது ஆட்டமும் கவனிக்கப்பட வேண்டியது.


பார்சிலோனா தோற்றதற்கு செல்சியா காரணம் இல்லை. பார்சிலோனாவே தான் காரணம். நான் சொதப்பும் என எதிர் பார்த்த பார்சிலோனாவின் பின் களம் அபார ஆட்டத்தை வெளிப்படுத்த சிறந்த முன்களம் என பெயர் வாங்கிய முன்வரிசை சொதப்பியது. முன்வரிசை என ஒட்டு மொத்தமாக பழி போடுவதை விட ஃபப்ரிகாஸ் என பச்சையாக சொல்லலாம். ஆர்சனலில் இருந்து ஸ்பெயின் அணியில் தனக்கு இடம் கிடைக்காமல் போய்விடுமோ என்ற பயத்தில் இடைவிலகி பார்சிலோனாவுடன் சேர்ந்து ஆடும் இந்த பக்கிக்கு ஸ்பெயின் அணியில் இடம் குடுக்க கூடாது என்று பரிந்துரை செய்கிறேன்.

இங்கிலாந்து பிராந்திய அணிகளுக்கு ஆடும் ஸ்பெயின் வீரர்களுக்கு ஸ்பெயின் தேசிய அணியில் ஆடுவதற்கு வாய்ப்பு கிடைப்பது அரிது என்பதால் , ஃபப்ரிகாஸ் பார்சிலோனாவுக்கு மாறினார். ஆர்சனலின் பள்ளியில் இருந்து தெரிவான இந்த ஃபப்ரிகாஸ் ஆர்சனலுடனான தனது ஒப்பந்த காலம் முடிவைவதற்கு முன்னமே இடைவிலகியிருப்பதால் ஆர்சனல் இவருக்கு செலவழித்த செலவீங்களை பார்சிலோனா வழங்கும் சம்பள பணத்தில் கட்டி கட்டி கடனைத்து கொண்டிருக்கிறார் இந்த கடன்காரன்.

அந்த பன்னாடை நேற்று ஆடிய ஆட்டம் பார்சிலோனாவின் தோல்வியை உறுதி செய்தது எனலாம். மெஸ்ஸி கொடுத்த பந்தை "சிப்" பண்ணுகிறேன் பேர்வழி என்று கோட்டை விட்டதும், இடது காலால் அடிக்கப் போய் இன்னொரு பந்தை வெளியால் அடித்ததும் சொதப்பலின் உச்சக் கட்டம். இவரது பாஸ்களும் சொதப்பல் ஒஃப் த இயர். முதலாவது பாதியில் சனியாஸ் அடித்த பந்தும் இரண்டாம் பாதி இறுதியில் தியாகோ அடித்த பந்தும் கோல் கம்பத்தில் பட்டு திரும்ப வந்தது துரதிஷ்டத்தின் உச்சக்கட்டம்.

அது போல் எதிர் பார்த்த அளவு மெஸ்ஸி மற்றும் சனியாஸ் கூட சோபிக்கவில்லை.மெஸியின் தவறு தான் கோல் ஆகிப்போனது குறிப்பிடத்தக்கது.இதுவரை 243 கோல்களை  அடித்திருக்கும்  லியோனல் மெஸ்ஸி செல்சியாவுக்கு எதிராக கோல் ஏதும் அடிக்காமல் சொதப்பிய தொடர்ச்சியான ஏழாவது போட்டி இது. ஆனால் மெஸ்ஸி சில கோலுக்கான உதவிகளை (அஸிஸ்ற்) செய்தார், அதை பம்பிலிமாஸ் சாரி ஃபப்ரிகாஸ் மண்ணாக்கினார்.


நான் முதலில் குறிப்பிட்டது போல நேற்றைய தினம் தாக்குதல் ஆட்டம் ஆடியிருக்க வேண்டிய செல்சியா தடுப்பு ஆட்டம் ஆடியது அல்லது ஆடுவதற்கு நிர்பந்திக்கபட்டது எதுவானாலும் அது பார்சிலோனாவுக்கு கிடத்த முதல் வெற்றி எனலாம். போட்டிக்கு முன்னர் பார்சிலோனாவின் முகாமையாளர் பெப் குவாரியோலா சொன்னது நினைவிருக்கிறதா? "நாங்கள் ஒரு சமநிலைக்கோ அல்லது ஒன்ரு அல்லது இரண்டு என்ற குறைந்த எண்ணிக்கையிலான கோல்களோடோ போட்டியை முடித்து கொள்ளவே போராடுவோம்". இது நியூ கேம்பில் அதற்கு மேலதிகமாக கோல்களை பார்சிலோனா அடிக்கும் என்ற தன்நம்பிக்கையே காட்டுகிறது.

உனக்கு வட போச்சு எனக்கு வாழ்க்கையே போச்சு!


 செல்சியா நேற்று தாக்குதல் ஆட்டம் ஆடியிருந்தால் கூட  இரண்டு கோல்களை போட்டிருக்கலாமா என்பது சந்தேகமே. காரணம் பார்சிலோனாவின் ஆட்டம் அவளவு சிறப்பாக இருந்தது. என்ன தான்  நேற்றைய தினம் செல்சியாவின் பதினொரு வீரர்களும் தடுப்பு ஆட்டத்தில் பிஸியாக இருந்திருந்தாலும் பார்சிலோனா அவர்களது கோல் பகுதில் வாழைப்பழம் போல நான்கு கோல் வாய்ப்புக்கள் உள்ளடக்கமாக பந்துகளை கொண்டுவந்ததை அவர்களால் தவிக்க முடியாது போனது. . செல்சியாவின் மைதானத்திலேயே இந்த நிலை என்றால் எந்த முறையான செல்சியாவின் தடுப்பு ஆட்டமும் பார்சிலோனாவின் மைதானமான நியூ கேம்பில்  பார்சிலோனாவை  தடுத்து நிறுத்துமா  என்பது கேள்வியே!

இதை ஒரு பார்சிலோனா ரசிகனாக் சொல்லவில்லை நேற்றைய போட்டியில் செல்சியாவின் அற்புதமான ஆட்டம் ஒன்றை எதிர் பார்த்து ஏமாந்தவன் என்ற முறையில் சொல்கிறேன். நேற்ரைய போட்டியின் புள்ளிவிபரங்களையும் , செல்சியா ஆடிய ஆட்டத்தையும் பார்த்த உங்களுக்கெ அது புரிந்திருக்கும்.பந்து கால்களில் இருந்த விகிதம் செல்சியா 20% , பார்சிலோனா 80%. இது நேற்றைய ஆட்டம் பாசிலோனா கைகளில் இருந்ததையே காட்டுகிறது.

20%
Possession
80%
209
Passes attempted
814
159 (76%)
Passes completed (success rate)
757 (93%)
Xavi (134)
Top individual passer
Jon Obi Mikel (32)
4
Attempts on goal
24
1
Attempts on target
6
(source BBC sports 18 April 2010)
  
இங்கு ஒன்றை குறிப்பிட வேண்டும் முதல் 17/04/2010 நடந்த இன்னொரு அரையிறுதியில் ஃகோம் டீமாக ஆடிய பயன் முனீக் அணி ஒரு மூர்கத்தனமாக, நாங்கள் ஃகோம் டீம் என்ற ஆதிக்கத்தில் பலம் வாய்ந்த மட்ரிட் அணிக்கெதிராக  சிறந்ததொரு  தாக்குதல் ஆட்டம் ஆடி இரண்டு கோல்கள் அடித்தது நினைவிருக்கலாம்.

இரண்டாவது சுற்று அரையிறுதி செல்சியாவுக்கு ஸ்டாம்ஃபோர்ட் பிறிட்ஜ் போல் கடினமானதாக  இருக்க போவதில்லை மாறாக மிகக் கடினமானதாக இருக்கப்போகிறது. அது போல் என்னதான் பார்சிலோனா தனது சொந்த மைதானத்தில் பலம் வாய்ந்ததாக இருந்தாலும் , தப்பி தவறி கூட செல்சியா நியூ கேம்பில் ஒரு கோலை போடும் பட்சத்தில் பார்சிலோனா மூன்று கோலகள் அடிக்கவேண்டிய கட்டாயம் உருவாகும். அது கொஞ்சம்  கடினமான பணியாக கூட இருக்கலாம்.

(இந்த பந்தியை ஒரு பொதுவான விமர்சனமாக பார்க்க வேண்டாம், இதை பார்சிலோனா ரசிகனாக எழுதுகிறேன்) ஒரு நடுநிலமையான உதைபந்தாட்ட விமர்சகனாக நான் அது ஒரு கடுமையான பணியாக இருக்கலாம் என கூறினாலும் ஒரு பார்சிலோனா ரசிகனாக , நியூ கேம்பில் பார்சிலோனாவுக்கு மூன்று கோல்கள் என்பது சாதாரணம் என்கிறது உள் மனது. மூன்று என்ன? செல்சியா நேற்று ஆடிய ஆட்டத்துக்கு நான்கே சாத்தியம் என்கிறது பட்சி. நேற்றே நான்கு அடித்திருக்க வேண்டியது! என்ன தான் "பாபா" படம் ஃபிளாப் என்று பொது இடத்தில் ஏற்றுக்கொண்டாலும், ஒரு ரஜினி ரசிகனாக அதை ஏற்றுக்கொள்ளாத மனநிலைதான் இதுவும்.

அது போக எதிர்வரும்  21ம் திகதி பார்சிலோனா , மட்ரிட் அணிகள் மோதும் லா லீகாவின் "எல் கிளாசிக்" ஆட்டம் வேறு வருகிறது. அதன் காய்ச்சல் இப்போதே பரவ ஆரம்பித்திருக்கிறது. இந்த வருட லா லீகாவின் ஆரம்ப கட்டத்தில் மட்ரிட்டின் மைதானத்தில் 1 - 3 என்று  மட்ரிட்டை வீழ்த்திய  பார்சிலோனா தங்களது மைதானத்தில் சோடை போகாது என நம்புகிறேன்.

இவ்விடத்தில் , பார்சிலோனா ரசிகனாக , அந்த அணிமீது இருந்த அசாத்திய நம்பிக்கையில், நேற்று செல்சியாவின் மீது பெட் கட்ட இருந்து , என் பேச்சைக்கேட்டு கட்டாமல் விட்டு பண் நஷ்டமான டென்மார்கில் இருக்கும் எனது மச்சான் உஷாந்தன் ஜகநாதனிடம் பகிரங்க மன்னிப்பு கேட்டுக்கொள்கிறேன்.அரசியல்ல இதெல்லாம் சாதரணம் அப்பா! ஹி....ஹி...ஹி.....ஹி...

அட! மேற்சொன்ன ஏதாவது எதிர் வரும் 24ம் திகதி நியூ கேம்பில் பிழைத்தும் போகும் பட்சத்தில் மீண்டும் ஒரு உண்மைசொல்லும் பதிவுடன் உங்களை சந்திக்கிறேன். அது வரையில் தொடர்ந்து இணைந்திருங்கள். பின்னூட்டம் தாருங்கள்! நன்றி வணக்கம்.ஹி....ஹி...ஹி.....ஹி...



யம்மா சகிரா! ஏதோ நீ என்னோட கேர்ள் ஃபிரண்டா இருக்கிறதால அடிக்கடி தோத்து இப்பிடி கட்டிப்பிடி வைத்தியம் வாங்கலாம் போல இருக்கே!


24 comments:

  1. எனக்கு இம்மாம் பெரிய பின்னூட்டமா?? கலக்குறீங்க..

    டேவிட் லூயிஸ் விளையாட முடியாத பட்சத்தில் அளவுக்கதிகமாக தற்காப்பு ஆட்டத்தில் செல்சீ இறங்கியது, அந்தணிக்கு அவசியமானதே!
    அது மட்டுமல்லாமல் அவங்களோட புது கோச் de Matteo வேற இத்தாலியனாச்சே.. (டிஃபென்ஸை அவ்வளவு ஈஸியா வுட்ருவாறா என்ன?)

    ரியல் மட்ரிட் போல counter attackல் இறங்கியிருந்தால், செல்சீ தப்பிக்க வாய்ப்புண்டு..

    பார்சிலோனா அடுத்த லெக் ஜெயிக்கும் என்பதில் சந்தேகமே வேண்டாம்.. ஆனால் செல்சீ ஜெயிக்கனும்னு சில காரணங்களுக்காக வேண்டுகிறேன்..
    1. லீகில் மோசமாக விளையாடியதற்கெல்லாம் ஈடுகட்ட முடியும்
    2. தன்னை பழைய செல்சீயாக நிரூபிக்கவும் முடியும்
    3. என் பேஃவரிட் manchester unitedக்கு போட்டி திரும்பி கிடைச்ச மாதிரி இருக்கும்..(இந்த சிட்டி பயலுவ போரடிக்குறாங்கப்பா!)
    4. அந்த 2009 அரையிறுதி.. (ட்ரொக்பா மேட்ச் முடிவுல எப்படி உணர்ச்சி வசப்பட்டிருந்தார்னு தெரியும்ல..)
    5. சொல்லக் கூடாது... இருந்தாலும் சொல்றேன். (ரியல் மட்ரிட் ஜெயிக்க சான்ஸ் அதிகமாயிடும்)

    ReplyDelete
    Replies
    1. அந்த தற்காப்பு அவசியம் தான் என்றாலும் சற்று அளவுக்கு அதிகமாகி போனது. ட்ரக்பா உணர்ச்சி வசப்படார் என்பதற்காகவெல்லாம் போட்டியை விட்டிட முடியுமா? ராஸ்கல்ஸ்...... சும்மா வெளையாட்டுக்கு!
      மன்செஸ்டர் சிட்டி நல்லாதானே ஆடுது! சொல்லப் போனால் இப்போதைய செல்சியை விட இரண்டுமடங்கு நல்ல ஆட்டம் என்று சொல்லலாம்.

      அடங்கொன்னியா... உங்க மட்ரிட் ஜெயிக்கணும் எண்டுறதுக்காக நாங்க செல்சி கூட தோக்கணுமா?

      Delete
  2. பயர்ன் மியூனிக் ஜெர்மன் டீமாச்சே.. clinicalஆக விளையாடுவார்கள்.. அங்கே இங்கிலிஷ், ஸ்பானிஷ் லீக் மாதிரி aggression காட்டினா பத்தாது..இப்போ தப்பிச்சுட்டானுங்க.. வுட மாட்டோம்!

    உங்களை மாதிரியே தான்.. 4 கோல் போட வாய்ப்பிருந்தும் 1 தான் போட்டோம்.. அடுத்த லெக்ல அனேகமா ஹிக்வெய்ன், பென்ஸமா ரெண்டு பேரையும் இறக்குவாங்கன்னு நினைக்கிறேன்.. அப்போ ஆட்டம் களைகட்டும்!!

    ஆனாலும் நாம ஒரு கோல் Away மேட்சுல போட்டுட்டோம்.. ஸோ, அடுத்த லெக்ல 1-0ன்னு வின் பண்ணாலே போதும்.. உள்ளே போயிடுவோம்!


    * எல் கிளாசிக்கோவைத்தான் பெரிதும் எதிர்பார்த்துக்கொண்டிருக்கிறேன்.. ரெண்டு டீமுக்குமே வாழ்வா? சாவா?தான்! keeping my fingers crossed..

    ReplyDelete
    Replies
    1. அத தான் நானும் சொல்றன், செல்சி நேத்து ஏதோ குருட்டு அதிஷ்டத்தில ஜெயிசிட்டானுக, மக்களே வாங்கடி நியூ கேம்புக்கு ! அப்போ தெரியும் சேதி!

      எல் கிளாசிகோ எங்களுக்கு தான் என்கிறது விக்கிலீக்ஸ்! ஹா..ஹா...ஹா....ஹா...

      Delete
    2. சான்ச்சேஸ்-ல்லாம் வேலையே இல்லை.. ஏன் பெட்றோவை full-timeஆ போடுறாங்க இல்லைன்னுதான் தெரியவே மாட்டேங்குது.. அவன் அடிச்ச கோலாலதான், போன அரையிறுதில நீங்க எங்களை தாண்டியே போனீங்க.. நன்றி கெட்ட பசங்க.. :-)

      * விக்கிலீக்ஸை குவார்டியோலா வாங்கி்ட்டாரா?? சொல்லவே இல்லை..

      Delete
    3. யேய்! பெட்ரோ அடிச்சது போன வருசம் நான் சொல்றது இந்த வருசம், பெட்ரோவ ஃபுல்டைம் போட்டு எங்களோட டைம பேட்டைமாக்கிற பிளானா உங்களோடது? ராஸ்கல்! தொலச்சு போடுவன் தொலச்சு!

      பெட்ரோவ விட புதுப்பய கொயகா ரொம்ப நல்லா ஆடுராப்ல....

      விக்கிலீக்ஸ் உண்மயத்தான் சொல்லும் அதுக்காக அத விலை குடுத்து வாங்ணும் எண்டு அவசியம் கெடையாது. வேணும்னா இந்த லிங் ஐ கிளிக் பண்ணி பாருங்கோ
      www.wikileakes.com/3rd cross street/3vathu santhu/viveekaananthar veethi/dubai main road/bubai bus stand/dubai

      Delete
    4. உங்க ப்ளேயர்ஸுக்கு கொயகா, கொய்யாக்கா-ன்னுல்லாமா பெயர் வைப்பீங்க??

      நாங்க துபாய்ல கட்டிக்கிட்டிருக்கோமே ஒரு resort island அது நீங்க கொடுத்த அட்ரஸுக்கு பக்கத்துலதான் இருக்காம்..
      http://sports.yahoo.com/blogs/soccer-dirty-tackle/real-madrid-building-1-billion-resort-island-united-170935374.html

      உங்க ப்ளேயர்ஸ் டிக்கெட் எடுக்காம ஃப்ளையட்ல போகும்போது, அதைக் கண்டுபிடிச்சு கழுத்தை பிடிச்சு தள்ளி விட்டு, தப்பித் தவறி துபாய்ல விழுந்தீங்கன்னா..
      தயங்காம நம்ம ரிசோட்டுக்கு வாங்க.. out-houseல தங்க வைச்சு சோறு போடுவோம்!!

      Delete
    5. /////JZ said....உங்க ப்ளேயர்ஸுக்கு கொயகா, கொய்யாக்கா-ன்னுல்லாமா பெயர் வைப்பீங்க??

      நாங்க துபாய்ல கட்டிக்கிட்டிருக்கோமே ஒரு resort island அது நீங்க கொடுத்த அட்ரஸுக்கு பக்கத்துலதான் இருக்காம்..
      http://sports.yahoo.com/blogs/soccer-dirty-tackle/real-madrid-building-1-billion-resort-island-united-170935374.html

      உங்க ப்ளேயர்ஸ் டிக்கெட் எடுக்காம ஃப்ளையட்ல போகும்போது, அதைக் கண்டுபிடிச்சு கழுத்தை பிடிச்சு தள்ளி விட்டு, தப்பித் தவறி துபாய்ல விழுந்தீங்கன்னா..
      தயங்காம நம்ம ரிசோட்டுக்கு வாங்க.. out-houseல தங்க வைச்சு சோறு போடுவோம்!!///////////

      நீங்க பென்ஸமா பி.எம்.டபிள்யுவா , கிறிஸ்டியனா இந்துவா அப்டீன்னு பேர் வைக்கும் போது நாங்க கொய்யாக்கா , கத்தரிக்கான்னு பேர் வச்ச இன்னா குத்தம்ங்கிறேன்?

      யேய் மாப்ளேய்! எங்களுக்கு எங்களுக்கு சொந்தமா பிளைட் இருக்குடியோவ்! அப்பிடியே கீழே விழுந்தாலும் பொடிநடையாவே கட்டாருக்கு போயிடுவோம், போயி ஒட்டக எறச்சில பிட்சா திம்போம் . வேணும்னா நீங்களும் வராம்! நாங்க தான் கட்டாரோட செல்ல புள்ளைங்க ஆச்சே!

      Delete
  3. எச்சுகுச்சு மீ.. நாம பேயர்னோட தோத்துட்டோம்னு சந்தோசப் படுறீங்களே.. அதுக்கு இன்னா கரணம் தெரியுமா?
    ரொனால்டோவோட சப்பாத்தை எவனோ மேட்சுக்கு முன்னாடி லவட்டிக்கிட்டு போய்ட்டான்!!
    http://www.goal.com/en-us/news/174/uefa-champions-league/2012/04/18/3044275/cristiano-ronaldos-boots-stolen-before-bayern-semifinal

    அந்த களவானிப்பயலுக்கு காசு கொடுத்தது புயோல் தான்னு அதே விக்கிலீக்ஸ் சொல்லுது!

    ReplyDelete
    Replies
    1. ஆமா அந்த கழுவாத சப்பாத்த கொண்டுபோய் அவன் என்ன அவிச்சா திங்க போறான், போங்க சார் போங்க ! சும்மா இருக்கிற புயோல் மேல பழிய போடாம... அவன் தன்னோட மசிர இழுக்க கூட நேரம் இல்லாம இருக்கான், இதில ரொனால்டோவோட சப்பாத்து திருடுறது தான் அவனுக்கு வேலையாக்கும்!

      Delete
  4. ஓ.. பந்து வெச்சு ஆடும் ஆட்டத்தை பற்றீய பதிவா சார் இது?...
    :-)

    ReplyDelete
    Replies
    1. //////பட்டாபட்டி.... said ....ஓ.. பந்து வெச்சு ஆடும் ஆட்டத்தை பற்றீய பதிவா சார் இது?...//////

      ஓ! வாங்க வணக்கம் பட்டாபட்டி மாமோய்! எம்மாம் பெரிய பதிவர் நீங்க! இந்த சின்னபுள்ளையோட எடத்துக்கு வந்தது ரொம்ப சந்தோசம்.

      பந்து வச்சு நெறைய ஆட்டம் ஆடுறாய்ங்க... நீங்க என்னாத்த சொல்றீங்க?

      Delete
  5. அடப்பாவமே..இந்த தளத்தையே இப்பதான் பார்வையிடுகிறேன்..என்னாக்கண்ணு போங்க என்னோட..
    நல்ல அருமையான பகிர்வு..நீங்க ரொம்ப அதிரடியான காற்பந்து ரசிகர் போங்க..நானும் விளையாட்டை பார்த்தேன்.செம்மையா இருந்தது..கிடைச்ச சான்செல்லாம் வீனாக்கிட்டாங்க பார்செலோனா..அதுவும் ரொம்ப ஈசியான மூனு சான்ஸ்..நீங்க அழகா விவரிச்சிரிக்கிங்க.அடுத்த கேம் எங்க தளம் பார்செலோனாவுல..மெஸ்சியோட இனியெஸ்தா, சாவி..சூப்பரா விளையாடி வெற்றிக்கொள்வார்கள் என எதிரிப்பார்ப்போம்.கண்டிப்பா அதற்கும் ஒரு பதிவு எழுதுங்க..மேற்கொண்டு பேசுவோம்.

    குறிப்பு : நண்பர் JZ க்கும் உங்களுக்கும் இடையிலான கமெண்ட் உரையாடல் அழகு..அப்புறம்...நான் வெறித்தனமான பார்செலோனா வெறியன்.

    ReplyDelete
    Replies
    1. தங்களது வருகைக்கு மிக்க நன்றி நண்பர் குமரன்! உங்களது அன்பும் ஆதரவும் எப்போதும் இருந்தாலே போதும். நீங்கள் புகழ்வது போல எனது பக்கம் ஒன்றும் அவளவு நன்றாக இல்லை. பதிவுலகத்க்டில் ஆயிரம் ஆயிரம் பதிவுகள் போட்டுவிட்டவர்கள் மத்தியில் வெறும் 31 பதிவு போட்ட நான் ஒரு சுண்ண்டக்கா பயல்!

      உங்களை போல் நானும் ஒரு பார்சிலோனா வெறியன் தான், ஆனால் என்ன பண்றது? பொதுப்படையா விமர்சனம் எழுதும் போது இருபக்க சாதக பாதக நிலைகளை அலச வேண்டி இருக்கிறது. அது தாங்க ரொம்ப கொடுமை , உள்மனசு கெடந்து கத்தும் "எலேய் செல்சியா, மட்ரிட்டு எங்களுக்கு முன்னாடி நீங்க எல்லாம் சுண்டக்கா பசங்கடான்னு" கத்த தோணும். என்னா பண்றது பதிவில் நம்மட ஆசா பாசங்களை எழுதிட முடியாதே!

      நம்ம கிரவுண்ல நாம தான் சார் ஜெயிகிறோம், எவனும் தடுக்க முடியாது. அடிக்கிறோம், கலக்கிறோம், ஜெயிக்கிறோம் . முனீக்க் போயி பைனல் ஆடுறோம். நாளைக்கு 'எல் கிளாசிகோ" மறக்காம் பாருங்க!

      அப்புறம் நண்பர் JZ ஒரு ஆரோக்கியமான விமர்சகர், அவரும் உதைபந்தாட்ட பிரியர். நேத்தலேர்ந்து நாங்க நல்ல பிரண்ஸ் ஆயிட்டோம்ல!

      Delete
    2. நாளைக்கு சூப்பர் கேம்..யாரு தேய்க்குமுனு நெனைக்கிறீங்க நண்பரே ?..நான் எப்பவுமே பார்சா-தான்..லீக்கு வேற புள்ளி பட்டியல் தடுமாறிட்டு இருக்கு..செம்மையா இருக்கும்.

      Delete
    3. மட்ரிட் கிரவுண்டுக்கு போய் அவங்களுக்கே ஆப்படிச்ச ஆக்கள் நாம (லா லீகா 1ஸ்ட் லெக்) 1 - 3 என்னு நாமதான் ஜெயிச்சோம். நம்ம கோட்டையான நியூ கேம்பில் விட்டிருவோமா என்ன?

      புள்ளிபட்டியல் தொடர்பில் நான் எழுதிய இந்த பதிவை பர்த்துவிடுங்களேன். உங்கள் மயக்கத்துக்கு ஒரு விடை கிடைத்தாலும் கிடைக்கும்.

      http://kishoker.blogspot.com/2012/04/blog-post.html

      Delete
  6. அப்புறம்..இன்னொன்னு..மறந்துட்டேன்..கண்டிப்பா மேலுள்ளதுக்கு ரிப்லை பண்ணுங்க..இல்லனா பரவால..

    ReplyDelete
    Replies
    1. அட என்னாங்க நீங்க? இந்த கிரிக்கட் சூறாவளிக்குள்ள நான் எழுதுற உதைபந்தாட்ட பதுவுக்கு இவளவு தூரம் வந்து பின்னூட்டம் போட்டு இருக்கீங்க , பதில் போடாம இருப்பனா?

      அது போக , நான் சுமாரா உதைபந்தாட்ட விமர்சனம் மட்டுமில்ல , சுப்பரா மொக்கையும் போடுவன், அதயும் தாங்கள் அடிக்கடி வந்து பாக்கணும்!

      Delete
    2. நண்பா, நன்றியோ நன்றி..கண்டிப்பா எப்பவுமே முடிந்தளவுக்கு என் கமெண்ட்ஸ் உங்க பதிவுகளுக்கு உண்டு.

      Delete
    3. தொடர்ந்து வர்ரீங்களா.... வர்ரீங்களா.... வர்ரீங்களா.... (அப்பா நமக்கு ஒரு அடிமை சிக்கிட்டான்டா! # தமாசு)

      Delete
  7. நானும் ஒன்னாப்பு படிக்கும் வரை உதை பந்து விளையாடுவேன் , அதில் நிறைய சிக்ஸ் அடித்துள்ளேன் , ஆனால் எங்க பாட்டியிடம் ரெண்டாப்பு படிக்கும் பொது யாரையும் உதைப்பதில்லை என சத்தியம் செய்து குடுத்த காரணத்தினால் விளையாடுவதை நிறுத்தி விட்டேன் .

    ReplyDelete
    Replies
    1. யோவ் டாக்டரே இது தானே வேணாங்கிறது, பிரசவ வலீன்னு வந்த மாட்டுக்கு பேதி மாத்திர குடுக்கிறியே வாத்யாரே! தெரியாத வேலைக்கு நீ ஏன் வாத்யாரே போற? பை தி பை சிக்ஸ் அடிச்சு ஆடுறது உதைபந்து கிடையாது. அது பேரு கபடி, மதுர பக்கம் எல்லாம் ஆடுவாய்ங்களே பாத்ததில்ல?

      பாட்டிக்கிட்ட சத்தியம் பண்ணி குடுத்துப்புட்டு , இப்போ நம்மாண்ட வந்து உதைக்கிறியே நைனா!

      Delete
    2. // பை தி பை சிக்ஸ் அடிச்சு ஆடுறது உதைபந்து கிடையாது. அது பேரு கபடி, மதுர பக்கம் எல்லாம் ஆடுவாய்ங்களே பாத்ததில்ல?
      //

      யார டபாய்க்க பாக்குறீங்க ? கபடி என்பது மதுரை அங்கன்வாடி பள்ளிக்கூட வாத்தியார்கள் ஆடும் ஒரு வகையான ஆட்டம் , அந்த ஆட்டத்தில் படிக்காத பயலுகளை வாத்தியார்கள் கட்டையால் " படி "',"படி" என்றவாரே அடிப்பார்கள் . அதனால் தான் அந்த விளையாட்டுக்கு கபடி என்று பேர் வந்தது

      Delete

LinkWithin

Related Posts Plugin for WordPress, Blogger...