உதைபந்து

Wednesday, October 12, 2011

கோடி ரூபாய்க்கு கூப்பிட்ட "பவர் ஸ்ரார்".. ! பதறிப் போய் பதுங்கிய நித்யா மேனன் ! _ஒரு கண்டன அறிக்கை_

 நான் ரொம்ப கடுப்பில இருக்கனுங்க.... என்ன தைரியம் இருந்தா இவ எங்க தங்க தலைவன பத்தி அப்டி சொல்லலாம்? . எங்க தன் மான சிங்கத்து கூட நடிக்க இவளுக்கு தகுதியே இல்லாத போதும் மதிச்சு கூப்பிட்டதுக்கு பண்ணின காரியத்த பாத்தீங்களா? (டேய்.... ஏன் மப்படிச்சாப்ல  சலம்புற? மேட்டருக்கு வாடா..)



அது இல்லைங்க.... (எது??) "லத்திகா" படம் இமாலய வெற்றி பெற்றதை (என்னடா உலக உருண்டைய உள் பாவடைக்க மறைச்ச கதையா இருக்கேடா) அடுத்து எங்க தலைவன் "பவர் ஸ்ரார் " லூஸ் மோசன் ஆகுறாப்ல வரிசையா "மூலைக்கடை முருகேசன், "முட்டுசந்து கருணாகரன்", "திருமா" (என்ன கருமமோ?), 
"மன்னவன்" (யாரு நீயா ?) "ஆனந்த தொல்லை" (அட நாயே! நீ எப்பவும் தமிழ் நாட்டுக்கு தொல்ல மட்டும் தான்டா.. ஆனந்தம் எல்லம் கிடையாது " என்போரை அனைத்துலக பவர் ஸ்ரார் ரசிகர் மன்றம் சார்பாக வன்மையாக கண்டிக்கிறேன்.), "தேசிய நெடுஞ்சாலை" (ஆமா! உன்னோட படம் பாத்ததுக்கு அப்புறமா, அங்க போயி வர்ற பிரேக் இல்லாத லாரில அடிபட்டு தான் சாகணும் # எவன்டா மைண்ட்ஸ் வாஸ்ல பேசுறது?) அப்டீன்னு வரிசையா படம் அறிவிச்சிருக்கப்ல....




சரி மேட்டருக்கு வாறன் ( வந்து துலையேன்டா.....) அப்பிடி அண்ணன் அறிவிச்சிருக்கிற இந்த வரலாற்று முக்கியத்துவம் வாய்ந்த படங்களில் ஒன்றில் நாயகியாக நடிப்பதற்கு கேரள நடிகை "நித்யா மேனனை" அண்ணாத்த அணுகியிருக்கிறார். எங்கள் தமிழர் குல கொளுந்தின் படத்தில் நடிப்பதற்கு மறுப்பு சொன்னதோடு மட்டுமல்லாது, "நான் சீனியர் சிட்டிசன்களோடு நடிப்பதில்லை " என்று வேறு கூறி ஏற்கனவே அசிட் வீசியது போல் இருக்கும் எங்கள் தலைவனின் மூஞ்சியில் கரி பூசியிருக்கிறார்.  அவ்வாறு நடந்து கொண்ட நித்ய மேனனுக்கு கண்டனம் தெரிவிப்பது அனைத்துலக பவர் ஸ்ரார் ரசிகர் மன்ற கொ.ப.சே என்ற முறையில் என் கடமையாகிறது.....

ஒரு படம் பாத்ததிலயே பேதியாகி கெடக்கு .. இதில நாலு வேறயா..

மக்களே ! எவனாச்சும் பதிவ பாதில நிறுத்திட்டு எந்த்ரிச்சு போனா, பவர் ஸ்ரார இன்றைக்கு உங்கட கனவில வந்து கானா பாட்டு பாட சொல்லிடுவன் ஜாக்கிரத....... . முதலில் நித்யா மேனனுக்கு எங்கள் வருங்கால அமெரிக்க ஜனாதிபதி பவர் ஸ்ராரை பத்தி தெரியவில்லை போலிருக்கிறது.... ("தெரிந்திருந்தால் , வாசலில் வைத்தே நாலணா, எட்டணா போட்டு அனுப்பியிருப்பர்" என்று முணுமுணுப்போருக்கு பவர் ஸ்ராரின் கிளோசப் போட்டோ இலவசம்)



எங்கள் அண்னன்  அக்கு பஞ்சர் வைத்தியராக இருந்து தன்னிடம் வருவோருக்கு மட்டும் உடம்பெல்லாம் பஞ்சர் பண்ணுவது போதாது , தானே திரையில் தோன்றி நடித்து (????) திரையரங்குக்கு வரும் அத்தனை பேருக்கும் உள் குத்து , வெளிக்குத்து , கும்மாங்குத்து எல்லம் குத்தி காது மூக்கால் ரத்தம் வரவைத்து வைத்தியம் பார்க்கும் நல்ல எண்ணத்தில் சினிமாவுக்கு வந்தவர். 

இதற்கு "லத்திகா" திரைப்படமே சான்று.... முதல் சீனில் அண்ணனை கிளோசப்பில் திரையில் பார்த்ததுமே எத்தனை பேர் வயிற்றை குமட்டி வாந்தி எடுத்தார்கள் தெரியுமா? அந்த சீனோடு அவர்களின் உடம்பில் இருந்த பித்தம், கபம் எல்லவற்றையும் போக்கியிருந்தார் அண்ணன். அது போக பேய் எப்படி இருக்கும் என்ற குழந்தைகளின் நீண்ட கால கேள்விக்கு விடை சொல்ல தெரியாமல் திணறிய எத்தனை பெற்றோர் அண்ணனை காட்டி "இது தாண்டா பேய், என்ன பேய் கொஞ்சம் பார்க்க சகிக்க கூடிய மாதிரி இருக்கும் " என்று கூறி பிள்ளைகளின் பொது அறிவை வளர்க்க காரணமாய் இருந்தவர் எங்கள் பவர் ஸ்ரார்.

எங்கேர்ந்துடா புடிச்சீங்க இவன?


கமல், ரஜினி போன்ற பெரும் நடிகர்கள் எல்லாம் (அண்ணன் மா பெரும் நடிகர் என்பதை இத்தால் கூறிக்கொள்வதில் எருமை அடைகிறேன்... சாரி பெருமை அடைகிறேன்) அடுத்தவன் பணத்தில் நடித்துக் கொண்டிருக்கும் போது வீட்டில் இருந்த தட்டு முட்டு சாமன் (அண்னனின் பட்டாப் பட்டி உட்பட) முழுவது சேட்டு கடையில் அடகு வைத்து சொந்த பணத்தில் முதல் படம் நடித்து , இன்று கட்டண கழிவறைகளில் எல்லாம் ஆண் என்பதை அடையாளப் படுத்த அண்ணனின் போட்டோவை ஒட்டி வைத்திருக்கும் அளவிற்கு ஆண்மைக்கு இலக்கணமாக திகழ்கின்றார்.

கட்டண கழிப்பறை


அண்ணனோட மூஞ்சிய பாத்தா கிட்னி திருடுறவன் போல இருக்கிறது வாஸ்தவம் தான், அதுக்காக அண்னன் கிட்னி திருடிய பணத்தில் தான் படம் எடுத்தார் என்று கூறுபவர்களை அண்ணனின் முகத்தை கண்ணிமைக்காமல் இரண்டு நிமிடம் பார்க்க வேண்ணுமென தீர்பளிக்கின்றேன்.

அஜித் , சூர்யா, ஆர்யா, மாதவன், ஜீவா எல்லொரும் தமிழ் நாட்டின் தூக்கத்தை
 கெடுத்த காலமெல்லாம் மலையேறி விட்டது. இப்போது ரசிகைகளின் தூக்கத்தில் டூயட் பாடுவதும் , ரசிகர்களின் தூக்கத்தை கலைப்பதும் அண்ணன் தான். அவர்கள் அழகாலும் , நடிப்பாலும் தூகத்தை கலைத்தார்கள், அண்ணன் தன்னோட திருமுகத்தால் பயம் காட்டி தூக்கம் கலைக்கிறார். எப்படி கலைகிறது எண்றது முக்கியம் இல்ல.. ஆக மொத்தத்தில் கலைகிறது தானே... # அர்த்த சாம நேரத்தில் குழந்தைகள் , அண்ணனின் மூஞ்சியை கனவில் கண்டு விட்டு 'அம்மா பூதம் " என்று அலறுவதற்கு ரசிகர் மன்றம் பொறுப்பல்ல.



இப்போது இருக்கும் நடிகர்கள் எல்லாம் , படத்தில் நடிக்கும் போது நல்லவர்களாகவும், கொடைவள்ளல்களாகவும் நடித்து விட்டு நிஜ வாழ்வில் அப்படி இருப்பது கிடையாது. ஆனால் அண்ணன் "லத்திகா" படம் வெளியான நாள் தொடக்கம் தெருவில் போவோர் வருவோர், அவசரமாக ஆபீஸ் போவோர், கையேந்து பவனில் சாப்பிட்டுவிட்டு கை கழுவ வெளியில் வந்தோர் என்று அனைவருக்கும் வலுக்கட்டாயமாக படத்தின் டிக்கட்டை கொடுத்து அவர்களை படம் பார்க்க சொல்லி அழகு பார்த்த பொது நலவாதி.. !!!. "அவர்கள் படம் பார்க்கையில் அண்ணனின் கொடுமை தாளாமல் கதறி அழுது வெளியில் ஓட முயற்சித்த வேளை , தியேட்டர் கதவுகளை வெளித் தாழ்பாள் போட்டு பூட்டி, அவர்கள் படம் முடிகின்ற வேளையில் குற்றுயிரும் குலையுயிருமாக வெளியில் வந்தார்கள் " என்று விக்கிலீக்ஸ் வெளியிட்ட செய்தியில் எந்த வித உண்மையும் இல்லை என்பதை இங்கு சுட்டிக் காட்ட விரும்புகிறேன்.



ஓசி டிக்கட் எடுத்து கொடுத்தே "லத்திகா" படத்தை எங்கோ ஒரு முட்டு சந்தில் உள்ள தியேட்டரில் 175 நாட்கள் ஓடவைத்த மூளை அம்பானி, பில்கேட்ஸ்ஸுக்கும் இல்லாதது. எத்தனையோ வருடங்கள் சினிமாவில் இருந்து நடிகர்கள் பட்டங்கள் பெற, முதல் படம் ஸூட்டிங் ஆரம்பிக்க முன்னமே "பவர் ஸ்ரார்" என்று "வாண்டட்டாக" தனக்கு தானே பட்டப் பெயர் சூட்டிக் கொண்டு தமிழ் சினிமாவை ஒரு சர்வதேச தரத்திற்கு கொண்டு போனவர் எங்கள் வீர விளகெண்னை .. சாரி வீர விளக்கு "பவர் சார்"



மண்டையில் ஒரு சொட்டு மயிர் இல்லாத போதும் , முகத்தை மூடி புதர் போல வளர்ந்திருக்கும் மீசையை மூலதனமாக கொண்டே தமிழ் சினிமாவில் தனக்கென்று தனியிடம் பிடித்தவர். "இந்த நாய்க்கு யார் சார் இடம் குடுத்தது?  எங்க நடிகர் சங்க கூட்டம் நடந்தாலும் , தானும் நடிகன் தான்னு மன சாட்சியே இல்லம வந்து ஒட்டிக்குது நாயி...... எப்பிடித்தான் மோப்பம் புடிக்குதோ?" என்று புலம்புவோர் , அண்ணனின் ஆக்க்ஷனில் வெளிவர இருக்கும் அத்தனை படங்களது முதல் நாள், முதல் ஷோ.. முன் வரியில் இருந்து ( தனியாக) பார்க்க வேண்டிய நிர்பந்தத்துக்கு ஆளாவீர்கள் என்று எச்சரிக்கிறேன்.

எலேய்... ! நித்யா மேனன், எம் படம் "லத்திகாவ" 100 தடவ பாக்கணுமிடா.. இது தாண்டா அவளுக்கு தண்டண‌


அம்மணி...... முப்பது லட்சம் கூட சம்பளம் வாங்கியிராத உனக்கு அண்ணன் கோடிகளை கொட்டியும் நீ மறுத்திருப்பது, உனக்கு பெரும் இழப்பு. அண்ணன் ஏன் உன்னை நாயகியாக கேட்டார்???? ஏன் ? ஏன் ? ஏன்? ( "எத்தன தடவ கேட்டாலும் இந்த குள்ள கத்தரிக்கா கூட நடிக்க , தமிழ் நாட்ல ஒரு ஆயா கூட தயார் இல்ல" # எவண்டா அது? குறுக்க பேசுறது?)
 ஏன்னா மலையாள படத்தில நடிக்க உனக்கு தடை இருக்கிற படியால் , எங்கே நீ திசை மாறி "பிட்டு" படம் நடிக்க போயிடுவியோ எண்டுற நல்ல எண்ணம் தான். ( இவனே "பிட்டு "படத்தில வர்ற அங்கிள் போல தான் இருக்கான் # எவண்டா அது? மாட்னா செத்தடா) 

மவளே..! நித்யா மேனன்... மரியதையா அண்ணங்கிட்ட பொது மன்னிப்பு கேட்ரு.. இல்ல "பவர் ஸ்ராருடன் நித்யா மேனன் ஜல்சா..........."ன்னு குங்குமத்ல போட்டு உன்ன நாறடிச்சிருவன்.. இந்த அவமானம் உனக்கு தேவையா?

இவங்க யாரும் வேணா... நித்யா மேனன் தான் வேணூ........


அடுத்து அண்ணன் பவர் ஸ்ராருக்கு ! உங்கள் கோடான கோடி .... லட்ச்சாதி லட்ச .. ஆயிரம் ஆயிரம்..... நூற்றுக் கணக்கான....... ஏதோ இருக்கிற ஜந்தாறு ரசிகர்களில் ஒருவன் சொல்வது.... உங்களைப் பார்த்து " நாதாரி நாயே... குள்ள கத்தரிக்கா.... செனப் பண்ணி...., எந்த நம்பிக்கையில் நீ எல்லம் படம் நடிக்க வந்த ?, ஏண்டா உனக்கு கண்ணாடி பாக்குற பழக்கம் இருக்கா? , எங்கள பாத்தா பாவமா இல்லையாடா? ஏண்டா உயிர வாங்குற?" அப்ப்டீன்னு யாராவது கேட்டால் அதை கண்டு கொள்ள‌ வேண்டாம். 

அது எல்லாம் நீங்கள் 2017 இல் முதலமைச்சர் ஆவதையோ.... , அல்லது வெளியாக இருக்கும் உங்கள் நான்கு படங்களும் இந்த வருடத்துக்கான அத்தனை ஒஸ்கார் விருதுகளையும் அள்ளுவதையோ அல்லது நீங்கள் போட்டி இல்லாமல் அமெரிக்க ஜனாதிபதி ஆவதையோ விரும்பாத அந்நிய சக்திகளின் சதி என்பதைபுரிந்து கொள்ளுங்கள். அவ கெடக்குறா நித்யா மேனன் , உங்க ரேங்சுக்கு "ஜெசிக்கா அல்பா", " செரீனா கோமஸ்னு " ட்ரை பண்னுங்க தலைவா....

அடுத்த ராமராஜன்னு எவனாச்சும் சொன்னா .. இண்ணிக்கு கனவில வருவன் ஜாக்கிரத‌


அடுத்த தடவை உங்களின் படம் பார்க்க‌ யாராவது வந்து (எவனாச்சும் மப்பில் வருவான், புத்தி சுவாதீனம் உள்ளவன் உங்கள் படம் ஓடும் தியேட்டர் பக்கம் கூட வர மாட்டான்), நாய் வெறியில் பிராண்டியது போல் இருக்கும் உங்கள் முகத்தை பார்த்து விட்டு ரத்த வாந்தி எடுத்து இறந்தால், அந்த  புள்ளி விபரங்களை வெளியிடும் வரை உங்களிடம் இருந்து விடை பெறும் நான் 

மொக்கை சாமி
(பிரபஞ்ச "பவர் ஸ்ரார்" மன்ற தலைவர்)

ஜோடிப் பொருத்தம் சூபர்ல்ல..... பவர் ஸ்ரார் + நித்யா மேனன்





1 comment:

LinkWithin

Related Posts Plugin for WordPress, Blogger...