உதைபந்து

Wednesday, June 20, 2012

லங்கோடு தெரிய வேட்டி கட்டுறவன் எல்லாம் ராஜ்கிரண் ஆயிட முடியாது!

an
என்னடா லுக்கு? வேட்டி கட்ட தெரியுமா?

என்னதான் நம்மகிட்ட ஒரு பட்டுவேட்டி, அதுக்குள்ளாற போடுறதுக்கு ஒரு லங்கோடு, அப்புறம் வேட்டி அவுந்து வுழுந்துடாம இருக்க இறுக்கி கட்டுறதுக்கு ஒரு பெல்ட் இருந்தாலும் வேட்டிய சரியா கட்ட தெரியலன்னா அப்புறம் எங்கனயச்சும் வெளிய போகுறப்போ பொண்ணு புள்ளைங்க நடமாடுற எடமா பாத்து அந்து வுழுந்து நம்மோட மானத்த கிங் ஃபிஷர்ல ஏத்தி வுட்டுரும். அதனால தான் சொல்லுறேன் தொடைக்கு மேல வேட்டிய தூக்கி லங்கோடு தெரிய கட்டுறவன் எல்லாம் ராஜ்கிரண் ஆயிட முடியாது. அட்! அது என்ன பிரம்மாதம்? ராஜ்கிரணே ஆனாலும் டைம் நல்லா இல்லேன்னா அவரு வேட்டியும் அந்து விழுந்து சோலையம்மா முன்னாடி சோலிய முடிச்சிடும். இப்போ எதுக்கு சும்மா இருக்கிற ராஜ்கிரண பஞ்சாயத்துக்கு இழுக்கிறேன்னு பாக்கிறீங்களா? எல்லாம் காரணமாத்தான்.

இப்போ நடந்துகிட்டு இருக்கிற யூரோ கிண்ணத்தின் குழு நிலை ஆட்டம் எல்லாம் நேற்றுமுந்தினம் (19-06-2012) முடிஞ்சி இன்னேலேர்ந்து (21-06-2012) கால் இறுதி ஆட்டங்கள் ஆரம்பிக்க‌போவுது. இந்த குழு நிலை ஆட்டங்கள்ள நடந்த சில சமாச்சாரங்கள் தான் என்னய ராஜ்கிரணோட வேட்டிய நான் காயப்போடும் படியா பண்ணியிருக்கு. அதாவது சுவீடன் மற்றும் நெதர்லாந்து அணிகளோட பரிதாப நெலையைத்தான் நான் ராஜ்கிரணோட வேட்டி கூட கம்பேர் பண்ணியிருக்கேன். மொதல்ல சுவீடன் டீமோட நெலம இப்ரமோவிக் ( பட்டுவேட்டி), லார்சன் ( லங்கோடு) , அண்ட்ரஸ் கிரன்க்விஸ்ட் ( பெல்ட்) ஆகியோர் இருந்தும் சரியானதொரு ஆட்டம் வெளிப்படுத்த முடியாததால் அவர்களது வேட்டி அவுந்து வுழுந்திரிச்சு. ( வேற என்ன இந்த இங்கிலாந்து பயலுகள உள்ள விட்ட கடுப்புத்தேன்) அடுத்து நம்ம நெதர்லாந்து தான் ராஜ்கிரண்! வெஸ்லி ஸ்னைடர், ரொபன், வான் பெர்ஸி, அஃபேலே என்று செம டையிட்டாத்தான் வேட்டிய கட்டியிருந்தானுக , எல்லாம் நேரம் !அந்திருச்சு!! பாவம் சோலையம்மா கூட சோலோவா டூயட்டு பாட வேண்டிய நெலம! ( ஏம்பா JZ!  என்னய்யா இவனுக இப்புடி பண்ணிப்புட்டானுக? சே ! மலை போல நம்பினனே!)

அடுத்து என்ன விசேஷம் அப்டின்னாக்கா இந்த வாட்டி என்னோட நாற வாயோட மகிமை கொஞ்சம் கொறைவுன்னு தான் சொல்லணும் ( இல்லையா பின்ன ? இதுக்காகவே நாளுக்கு நாலு வாட்டி பல்லு வெளக்கினனே). அதாகப்பட்டது இதுக்கு முந்தைய யூரோ கிண்ண பதிவில ஒவ்வொரு குழுவில இருந்து எந்தெந்த அணி கால் இறுதிக்கு தகுதி பெறும் அப்டீன்னு ஒரு கணிப்பு போட்டிருந்தேன். அதில கிட்டத்தட்ட 80% சரியாத்தான் நடந்து இருக்கு. ஆனாலு வழமை போலவே சில சொதப்பல்ஸ்............ ஆனாலும் அதில் சில நட்ட்சத்திர சொதப்பல்ஸ்களும் உள்ளடக்கம். அதாவது விளையாட்டு உலகின் ஜாம்பவான்கள் அடுத்த ரவுண்டுக்கு முன்னேறும் என்று கணித்த அணிகள் கூட முதல் சுற்றோடு மூட்டையை கட்டியிருக்கின்றன. ( உதாரணம் நெதர்லாந்து # கணித்தவர்கள், பல ஜாம்பவான்களோடு நம்ம JZ! )

கவலப்படாதிங்க கண்ணுங்களா, கோல் அடிச்சிரலாம்!


எனது கடந்த யூரோ பதிவில் குழு Aயிலிருந்து செக்குடியரசும் , போலாந்தும் காலிறுதிக்கு முன்னேறும்னு சொல்லியிருந்தேன், அதில் செக் எனக்கு துரோகம் பண்னாம என்னய காப்பாத்திடிச்சு, சொந்த மைதானங்கள் என்ற ஒரு பலமான பின்னணியை வச்சு அடுத்த ரவுண்டுக்கு முன்னேறும் என்று கணித்த போலாந்து "போடா பன்னின்னு" என்னய பாத்து சொல்லிட்டு போயிட்டானுக. மாறாக இவனுகல்லாம் ஒரு ஆளுகளான்னு நான் நெனச்ச கிரீஸ் காலிறுதிக்கு முன்னேறி இருகிறது. நம்ம JZ கூட ரஷ்யாவத்தான் கணிச்சு இருந்தார். மச்சி எனக்கு அப்பவே தெரியும் மச்சி ! அர்ஷாவின்  மட்டும் இருந்து ஒரு ஆணியையும் புடுங்க‌  முடியாதுன்னு. என்ன பண்றது? நம்ம ரெண்டு பேரோட வாயிலயும்  மண்!


அது போல குழு Bயிலிருந்து ஜேர்மனி , நெதர்லாந்து அப்டீன்னு சொன்னேன், என்னோட ஜேர்மன் டீம் ஆச்சே! என்னய காப்பாதிட்டானுக, ஆனா இந்த நெதர்லாந்து பயலுக தான் மகா சொதப்பல். அதிலும் வெஸ்லி ஸ்னைடரும், ரொபனும் உலக மகா சொதப்பல். போர்த்துக்கல் அணியோடு ஒப்பிடும் போது அத்தனையோ மடங்கு பலம் வாய்ந்த நெதர்லாந்து மண்கவ்வி இருக்கிறது. இந்த குழுவில் இருந்து ஜேர்மனியோடு போர்த்துக்கல்லும் அடுத்த சுற்றுக்கு முன்னேறி இருக்கிறது. நான் குறிப்பிட்டது போலவே இந்த மரண குழுவில் டென்மார்க் அணியின் பங்கு குறிப்பிடப்படவேண்டியது, பயலுகள் அடுத்த ரவுண்டில் இல்லையென்றாலும் ஒரு ஆட்டு ஆட்டிவிட்டுத்தான் பொறப்பட்டு போயிருக்கானுக. நெதர்லாந்து வெளியேற பிரதான காரணமே இவனுக தான். முதல் நெதர்லாந்துடனான போட்டியில் 1-0ன்னு  போட்டியை வென்று நெதர்லாந்துக்கு கசாயம் காய்ச்சி கொடுத்தானுக. அது போல போர்த்துக்கல்லுடனான போட்டியில் முதல் இரண்டு கோல்களை போர்த்துக்கல் அடித்தும் சளைக்காமல் துரத்தி இவர்களும் இரண்டு கோல்கள் அடித்தார்கள். அந்த போட்டி துரதிஷ்டவசமான போட்டி தான். கடைசி நிமிடத்தில் போர்த்துக்கல் ஒரு கோல் அடித்து போட்டியை வென்றது. ஆக நான் சொன்னது போல டென்மார்க் தனது ஆதிக்கத்தை காட்டியே வெளியேறி இருக்கிறது.

அடுத்து குழு Cயிலிருந்து ஸ்பெயின் மற்றும் இத்தாலி அணிகள் அடுத்த சுற்றுக்கு முன்னெறும் என்று சொல்லியிருந்தேன் , அப்பாடா...... அந்த ரெண்டு அணிகளும் இப்போது அடுத்த சுற்றின் களத்தில்அதே போன்று குழு Dயிலிருந்து இங்கிலாந்து, பிரான்ஸ் ஆகிய அணிகள் அடுத்த சுற்றுக்கு முன்னேறும்ன்னு சொல்லியிருந்தேன் சாமி என்னய கைவிடல ! அதே இரண்டு அணிகளும் இப்போது அரையிறுதியில் ஆடுவதற்கு தயாராய் இருக்கின்றன. ஆனாலும் நான் இங்கிலாந்தை எதிர் பார்த்ததைவிட சுவீடனை எதிர் பார்த்தேன், ஆனால்........... அட போடா இப்ரமவோவிக்..... நீயும் உன்னோட சுவீடனும். இப்புடி கவுத்திட்டியேடா.

ஏய்! நீ எந்த மேட்சுக்குடா வந்தே?


இப்போ  இன்று முதல் ஆரம்பமாகவிருக்கும் காலிறுதி போட்டிகளை ஒரு ரவுண்டு பார்த்துவிட்டு வரலாம்.

21 யூன் 2012 செக் குடியரசு எதிர் போர்த்துக்கல்

22 யூன் 2012 ஜேர்மனி எதிர் கிரீஸ்

23 யூன் 2012 ஸ்பெயின் எதிர் பிரான்ஸ்

24 யூன் 2012 இங்கிலாந்து எதிர் இத்தாலி.

இப்போது ஒவ்வொரு போட்டியாக பார்க்கலாம். முதலில் போர்த்துக்கல் எதிர் செக் குடியரசு. செக் குடியரசு இந்த சுற்றுப்போட்டியில் இது வரை மூன்று ஆட்டங்களை ஆடியிருக்கிறது. இரண்டு போட்டிகளில் வெற்றியும் ஒரு தோல்வியையும் அடைந்திருக்கிறது. பெற்ற இரண்டு வெற்றிகளும் போலாந்து மற்றும் கிரீஸ் அணிகளுக்கெதிராக பெறப்பட்டுள்ளன. அடைந்த தோல்வி சுற்றிலிருந்து வெளியேறிய ரஷ்யாவுக்கு எதிராக அடையப்பட்டுள்ளது.  அது போல் சொந்த மைதானத்தில் போலந்தையும் செக் வீழ்த்தியிருப்பதும் இங்க் குறிப்பிடத்தக்கது. அது போல் போர்த்துக்கல் இதுவரை ஆடிய மூன்று போட்டிகளில் இரண்டு வெற்றி ஒரு தோல்வியுடன் அடுத்த ரவுண்டுக்கு முன்னேறி இருக்கிறது. டென்மார்க் மற்றும் நெதர்லாந்து அணிகளோடு வெற்றியும் ஜேர்மனி அணியோடு தோல்வியும் கிடத்திருக்கிறது போர்த்துக்கல் அணிக்கு. அவளவு பெரிய பிரமாதமான ஆட்டம் எல்லாம் கிடையாது என்றாலும் முதலிரண்டு போட்டிகளை விட நெதர்லாந்துடனான மூன்றாவது போட்டியில் போர்த்துக்கல்லின் ஆட்டம் சிறப்பாக இருந்தது என்றே சொல்லவேண்டும். செக் அணியை இந்த போட்டியில் போர்த்துக்கல் வீழ்த்தும் என்றே சொல்ல வேண்டும். ஆனால் அரையுறுதியில் வரும் வில்லங்கம். கிரீஸ் அணியை வீழ்த்தி வரும் ஜேர்மன் அணியோடு மல்லுக்கட்டவேண்டிய நிலை அரையிறுதியில் ஏற்பட வாய்ப்புக்கள் ஏராளம்.

இந்த சுற்றில் பிரகாசிக்கும்  செக் குடியரசின் வீரர்கள் : பீட்டர் ஜிராசெக், வக்லாவ் பிலர் ( இருவரும் இந்த சுற்றில் இதுவரை இரண்டு கோல்கள் அடித்திருக்கிறார்கள்)

இந்த சுற்றில் பிரகாசிக்கும் போர்த்துக்கல் வீரர்கள் : கிறிஸ்டியானோ ரொனால்டோ ( 2 கோல்) , பெபே, ஹெல்டர் பொஸ்டீகா, சில்வெஸ்டர் வரேலா ( தலா ஒரு கோல்). அது போக நானி, ரவுல் மியரல்ஸ் ஆகியோரின் ஆட்டமும் அணிக்கு பலம் என்று சொல்லலாம்.

எதிர் பார்க்கும் முடிவு : போர்த்துக்கல் 2 - 1 செக் குடியரசு. ( மச்சான்ஸ் இந்த கோல் கணக்கு சும்மா ஒரு இதுக்கு தான் . யாரு ஜெயிப்பாய்ங்க அப்டீன்னத மட்டும் கணக்கில் கொள்ளவும். கோல் கணக்குகளை கருத்தில் கொள்ல வேண்டாம் பிளீஸ்... ஹி...ஹி....ஹி...... ஆனால் நான் சொன்ன கோல் கணிப்புகள் சரியாக இருந்தால் நான் பெரிதாக பீத்திக்கொள்வேன் . யாரும் கண்டுக்கப்படாது. ஹி...ஹி....ஹி......)



அடுத்து இரண்டாவது காலிறுதியில் ஜேர்மன் மற்றும் கிரீஸ் அணிகள் மோதுகின்றன. இந்த யூரோ கிண்ண‌ப்போட்டியில்  ஜேர்மன் அணிமட்டுமே சகல லீக் போட்டிகளிலும் வென்று ஒன்பது புள்ளிகளுடன் காலிறுதிக்கு முன்னேறி இருக்கின்றது. தன்னை எதிர் கொண்ட போர்த்துக்கல், நெதர்லாந்து, டென்மார்க் ஆகிய மூன்று அணிகளையும் வீழ்த்தியிருக்கிறது ஜேர்மன். எதிர்பார்த்ததைப்போலவே மிகச்சிறந்த ஆட்டத்தை வெளிப்படுத்தியிருக்கிறது ஜேர்மன்.# கிண்ணம் வெல்லுவாய்ங்களோ? . டென்மார்க்குடனான இறுதி ஆட்டத்தில் ஜேர்மன்  சற்று தளர்வான ஆட்டம் ஆடியது போல் தெரிந்தாலும் அதுவென்னவோ ஏற்கனவே அடுத்த சுற்றுக்கு தகுதிபெற்றுவிட்டதால் மேலும் கடுமையாக ஆடி தங்களது வீரர்களை காயத்துக்குள்ளாக்காமல் பாதுகாக்கவே அந்த ஆட்டம் என்று நினைக்கின்றேன்.அடுத்து கிரீஸ் அணியை பொறுத்தவரையில் இதுவரை ஆடிய மூன்று போட்டிகளில் ரஸ்யாவுடன் வெற்றி, செக் குடியரசுடன் தோல்வி, போலாந்துடன் சம‌நிலை என்ற அடைவுகளை பெற்றிருக்கிறது. கிரீஸ் அணியின் ஆட்டம் ஒன்றும் பெரிய சுவாரசியமான ஒன்றாக இல்லாத போதும் காலிறுதியில் சூடாக ஆடுவார்கள் என்று எதிர்பார்க்கலாம். 


இந்த சுற்றில் பிரகாசிக்கும் ஜேர்மன் வீரர்கள் : மாரியோ கோமஸ் ( மூன்று கோல்கள் , சுற்றின் அதிகூடிய கோல்களை அடித்தவர் என்ற பெருமையை தற்போது தக்கவைத்துக்கொண்டிருப்பவர், அது போக குரோஷியாவின் மாரியோ மன்சூகிக், ரஸ்யாவின் அலன் ஸகோவ் ஆகியோரும் மூன்று கோல்களை அடித்திருகிறார்கள். ஆனால் குரோஷியாவும் ரஸ்யாவும் இப்போது ஆட்டத்தில் இல்லை) லார்ஸ் பென்டர், லுகாஸ் பொடலஸ்கி ( தலா ஒரு கோல்) , பஸ்டியன் ஸ்டீன்ஸ்னேகர், பிலிப் லாம் போட்டெங் , மனுவல் நொயர் ஆகியோரும் நல்ல ஃபோர்மில் இருக்கிறார்கள்.

இந்த சுற்றில் பிரகாசிக்கும்  கிரீஸ் வீரர்கள் : தியோஃபனிஸ் கிகாஸ், கரகோனியஸ், டிமிற்றிஸ் சல்பிகிடிஸ் ( தலா ஒரு கோல்)


போட்டி முடிவு : ஜேர்மன் வெற்றி . 
கோல்கள்  : (3-1) , (2-0)



அடுத்து  மூன்றாவது காலிறுதியில் ஸ்பெயின் மற்றும் பிரான்ஸ் அணிகள் மோதுகின்றனஇந்த நான்கு காலிறுதிகளிலும் மிகவும் விறுவிறுப்பானது இந்த காலிறுதியாகத்தான் இருக்கும்தனிப்பட்ட முறையில் இந்த இரண்டு அணிகளில் ஒன்று காலிறுதியோடு வெளியேறுவதை நான் விரும்பவில்லைஅரையிறுதிவரை இந்த இரண்டு அணிகளும் ஆடியிருக்கவேண்டும் என்பதே எனது விருப்பம்என்ன செய்வது ? ஏதாவது ஒரு இடத்தில் ஏதாவது ஒரு வீரனுக்கு முடிவு வந்துதானே ஆகவேண்டும்.

பிரான்ஸ் அணியை பொறுத்தவரையில் மிகவும் திறமையான ஆட்டம் ஒன்றை வெளிப்படுத்திக்கொண்டிருக்கும் அணி என்று தான் சொல்லவேண்டும். சுவீடனுடனான அதிர்ச்சி தோல்வி தவிர அவர்க‌ளிடத்தில் குறைப்பட்டுக்கொள்ள பெரிதாக எதுவுமில்லை. சுவீடனுடனான ஆடத்தில் பிரான்ஸின் ஆட்டம் சற்று சரிந்துதான் போனது. ஸ்பெயினுடன் அந்த ஆட்டம் எடுபடாது. இங்கிலாந்துடன் உக்ரேனுடன் ஆடிய அந்த ஆக்ரோஷமான, கவுண்டர் அட்டாக் பண்ணக்கூடிய அதே நேரம் ஷோர்ட் பாஸ் அடித்து ஆடும் அந்த நுட்பமான ஆட்டத்துக்கு திரும்பவில்லையாயின் பிரான்ஸ் உதைபடுவது உறுதி. அதே நேரம் இனியெஸ்டா மற்றும் சாவி ஆகியோர் எந்தவித அஸிட்டுகளும் செய்யாமல் பார்த்துக்கொள்ள வேண்டியது மிகவும் அவசியம். அந்த ரெண்டு பயபுள்ளைகளும் எம காதகனுவ! அவய்ங்க தான் டீமோட எஞ்ஞின்கள். அவய்ங்கள தடுக்க வேண்டியது ரொம்ப முக்கியம். அது போக இந்த ஃபப்ரிகாஸ் பயல் கூட நல்லா ஆடுறாப்ல, அவன் கூட ஜோடி கட்டி ஜீஸஸ் நவாஸ்'உம் நல்ல ஆட்டத்தை வெளிப்படுத்திக்கொண்டிருக்கிறார். பார்சிலோனாவின் டிகி-டக்கா பாணியிலான ஆட்டத்தை வெளிப்படுத்தும் ஸ்பெயின் அணியின் பாஸ் வியூகத்தை உடைக்கவில்லையாயின் கதை அரோகரா! 

அதே போல் ஸ்பெயின் அணியும் பின்வரிசையில் புயோல் இல்லாமலும், முன்னே டேவிட் வியா இல்லாமலும் சமாளித்து ஆடிவருகின்றது. டிகா-டக்கா பாணியில் பந்த பாஸ் செய்யும் போது ஒரு பாஸ் தடுக்கப்பட்டு எதிரணிக்கு அனுப்பப்படுமானால் எதிரணி வீரருக்கு பின்களத்தை ஊடுருவ நிறையவே இடம் கிடைக்கும். ஆக அப்படியொரு சந்தர்ப்பத்தில் சீறி வரும் பிராங் றிபரியையும் , நஸ்ரியையும் சந்தில் சிந்து பாட காத்திருக்கும் பென்ஸமாவையும் கட்டுப்படுத்தும்  அவசியம். இல்லையென்றால் கதை கஞ்சி தான். பிரான்ஸ் அணியின் பின்களம் சற்று பலமாகவே இருகின்றது. ஸிடானின் இடத்தை நிரப்ப இன்னமும் ஒரு பூரணமான மிட்ஃபீல்டர் இல்லாதது ஒரு குறையே. ஆனால் ஸ்பெயினிடம் இனியஸ்டா , சாவி!!!!  பிரான்ஸின் மிட் ஃபீல்டில்  றிபரியும் டியாராவும் சமாளிப்பார்கள்  என நம்புவோம்.


கிறிஸ்டினா ரொனால்டினா!




மிகவும் விறுப்பான ஆட்டமாக இருக்கப்போகிற இந்த ஆட்டத்தில் பிரான்ஸ் வெல்ல வேண்டும் என்பதே எனது விருப்பம். ஜேர்மனுக்கு அடுத்ததாக நான் நேசிக்கும் அணி பிரான்ஸ் தான். அப்புறம் நெதர்லாந்து அடுத்து ஸ்பெயின். என்னதான் எனது விருப்பமாக இருந்த போதும் இந்த போட்டியில் பிரான்ஸ் ஜெயிக்கும்ன்னு சொல்லிட முடியுமா? இரண்டு அணிகளும் இதுவரை ஆடிய போட்டிகளை பார்க்கும் போது, இந்த இரண்டு அணிகளின் ஆட்ட நுணுக்கம் மற்றும் வீரர்களின் தரம் மற்றும் ஃபோர்ம் ஆகியவற்றின் அடிப்படையில் பார்த்தால் ஸ்பெயின் அணியின் வெற்றி வீதம் 55% ஆகவும் பிரான்ஸ் அணியின் வெற்றி வீதம் 45% ஆகவும் இருக்கிறது என்று சொல்லலாம். ஆனாலும் எனது இந்த அனுமானத்தை பொய்யாக்கி பிரான்ஸ் வெல்லவேண்டும் என்பதே எனது பிரயாசை. அப்புறம் எவன் வந்தும் எனது பின்னூட்டத்தில் "போடா நீயும் உன்னோட அனுமானமும் @#$%^&*" அப்டீன்னு பின்னூட்டம் போட்டா கோபிநாத் ஷோவில் பவர்ஸ்டாராட்டம் சிரிச்சிகினே இருப்பேன் . பிரான்ஸ் வாழ்க! # எலேய் றிபரி அடிப்பிகளாடா?



இதுரை இந்த சுற்றுப்போட்டியில் பிரான்ஸ் உக்ரேனுடன் வெற்றியும் சுவீடனுடன் தோல்வியும் இங்கிலாந்துடன் சமநிலையையும் அடைந்திருக்கிறது. அதே நேரம் ஸ்பெயின் அயர்லாந்து மற்றும் குரோஷியாவுடன் வெற்றியும் இத்தாலியுடன் சமநிலை என்ற பெறுபேற்றையும் பெற்றிருக்கிறது. 


இந்த இரண்டாவது காலிறுதி இப்படி முடியலாம். ( 2-1) ஸ்பெயின் வெற்றி அல்லது ( 1-0) ச்பெயின் வெற்றி. அதுபோக இந்த போட்டி தண்டஉதை (பெனால்டி) வரைக்கும் கூட போகலாம்னு என்னோட உள்மனசில லைட்டா ஒரு மணி அடிக்குது. அப்படியேதும் பெனால்டி வந்தால் எந்த அணி ஜெயிக்கும்ன்னு போட்டிய பாத்து தெரிஞ்சுக்கோங்க. ஹி...ஹி...ஹி....


இந்த சுற்றுப்போட்டியில் பிரகாசிக்கும் பிரான்சின் வீரர்கள் :  சமிர் நஸ்ரி, யோஹான் கபேய், ஜெர்மி மென்ஸ் ( தலா ஒரு கோல்) . அத்தோடு பின்களத்தில் மக்ஸிஸ்ன் ஆட்டமும் கவனிக்கப்பட வேண்டியது.


இந்த சுற்றுப்போட்டியில் பிரகாசிக்கும் ஸ்பெயின் அணி வீரர்கள்: செஸ்க் ஃபப்ரிகாஸ், ஃபெர்னாண்டோ டொரைஸ்  ( இரண்டு கோல்கள்) , டேவிட் சில்வா, ஜீசஸ் நவாஸ் ( தலா ஒரு கோல்) , இனியஸ்டா, சாபி, சேர்யியோ ராமோஸ்.

நான் ஏன் ஜேர்மன் டீமுக்கு சப்போர்ட் ப‌ன்றேன்னு இப்போவாவது புரியுதா?


அடுத்து இங்கிலாந்து மற்றும் இத்தாலி அணிகள் மோதுகின்ற நான்காவது காலிறுதி பற்றி பார்க்கலாம். பிரான்ஸ் ஸ்பெயின் அணிகள் மோதும் காலிறுதிக்கு அடுத்தபடியாக விறுவிறுப்பாக அமையக்கூடிய போட்டியாக இது இருக்கிறது. அநேக நேரங்களில் தடுப்பு ஆட்டம் ஆடி கிடைகிற சந்தர்ப்பத்தில் கவுண்டர் அட்டேக் ஆடும் இங்கிலாந்து அணியும், பலமான பின்வரிசையை எப்போதும் நம்பி தனது மிட் ஃபீல்ட் உட்ட்பட அனைத்து துருப்புகளையும் அநேக நேரங்களில் தாக்குதல் ஆட்டத்துக்கு பயன்படுத்தும் இத்தாலியும்  மோதவிருக்கின்றன. என்னைப் பொறுத்தவரையில் இந்த சுற்றுப்போட்டியில் இந்த இரு அணிகளின் ஆட்டம் பெரும் சுவாரசியம் மிகுந்ததாகவே இருக்கவில்லை. இந்த 'இத்தாலி", "இங்கிலாந்து" என்ற பெயர்களுக்காகவும் உலகப்பிரபலம் வாய்ந்த வீரர்கள் வரிசையாலுமே இந்த போட்டி அத்தனை எதிர்பார்ப்புக்குள்ளாகி இருக்கிறது. மற்றும் படி இன்னமும் இந்த இரு அணிகளும் தம்மால் முடிந்த அதியுச்சமான விளையாட்டை ஆடவில்லை என்றே சொல்லவேண்டும்.


இங்கிலாந்தை பொறுத்தவரை இதுவரை ஆடிய மூன்று போட்டிகளில்  உக்ரேன் மற்றும் சுவீடன் அணிகளோடு வெற்றியும் பிரான்ஸ் அணியோடு சமநிலையும் பெற்றிருக்கிறது. இத்தாலி அணியை பொறுத்தவரை இதுவரை ஆடிய மூன்று போட்டிகளில் அயர்லாந்துடனான போட்டியில் வெற்றியும் ஸ்பெயின் மற்றும் குரோஷியா அணிகளோடு சமநிலையையும் பெற்றிருக்கிறது.


எலேய் ரூனி! உன்னய டுவிட்டர் கேசு, கற்பழிப்பு கேசு அப்புறம் ரெட் கார்ட் அப்டீன்னு போட்டிகள்ள இருந்து இறுத்திவச்சும் நீயி திருந்துற மாதிரி தெரியலயே?


இங்கிலாந்தை அணியைப்பற்றி சொல்லவேண்டுமானால் முதலிரண்டு குழுநிலை ஆட்டங்களில் ஆடிய சோம்பேறித்தனமான , தாக்குதல் ஆட்டம் ஆடாது எப்போதும் தடுப்பு ஆட்டத்திலேயே குறியாய் இருந்த அந்த ஆட்டமுறை உக்ரேனுடனான மூன்றாவது குழுநிலை ஆட்டத்தில் ரூனி வந்ததும் சற்று மாறியிருப்பதை அவதானிக்க முடிந்தது.முன்களத்தில் ரூனி போன்று ஒரு திறமையான ஸ்ரைக்கர் இருப்பதால் , ரூனிக்கு உதவியாக மேலும் இரண்டு வீரர்கள் முன்களத்தில் உழைக்க ஏனைய வீரர்கள் தடுப்பு ஆட்டம் ஆடினாலே இங்கிலாந்தால் இத்தாலிக்கு எதிராக ஓரிரு கோல்களை போட முடியும்.

இத்தாலி அணியின் ஆட்டம் ஒன்றும் அத்தனை சுவாரசியமாகவோ, சொல்லிக்கொள்ளும்படியாகவோ இல்லை. ஆக ஸ்பெயின் அணியுடன் பெற்ற அந்த சமநிலைதான் குழுநிலை ஆட்டத்தில் இத்தாலியின் சிறந்த ஆட்டம் என்று சொல்லவேண்டும். அது கூட இத்தாலியின் திறமை என்று சொல்லிவிட முடியாது, ஸ்பெயின் வீரர்களின் சொதப்பலில் இத்தாலி குளிர்காய்ந்தது அவ்வளவே!

இதுவரை இத்தாலி ஆடிய மூன்று குழுநிலை ஆட்டங்களிலும் அயர்லாந்து அணியுடன் வெற்றியும் ஸ்பெயின் மற்றும் குரோஷியா அணிகளுடன் சமநிலையையும் பெற்றிருக்கிறது. ஆக இத்தாலியின் காலிறுதி பிரவேசம் ஒன்றும் ஆரோக்கியமானது அல்ல என்றே சொல்லவேண்டும். ஆனால் இத்தாலியுடன் ஒப்பீட்டளவில் பார்க்கும் போது ஆட்டமுறையிலும் சரி, வீரர்கள் வரிசையிலும் சரி இங்கிலாந்து பலமாகவே இருக்கிறது. இதுவரை ஆடிய மூன்று குழுநிலை ஆட்டங்களிலும் இங்கிலாந்து சுவீடன் மற்றும் உக்ரேன் அணிகளுடன் வெற்றியையும் பிரான்ஸ் அணியுடன் சமநிலையையும் பெறிருக்கிறது. பலமான சுவீடனுடன் அடைந்த வெற்றியையும் , சொந்த மண்ணில் வைத்து உக்ரேனை வீழ்த்திய வெற்றியையும் சாதாரணமாக எடை போட்டுவிட முடியாது. 

இந்த சுற்றுப்போட்டியில் பிரகாசிக்கும் இத்தாலி வீரர்கள் : மாரியோ பொலோடலி,அன்டோனியோ கசானோ,அன்டொட்னியோ டி நட்டாலே, அன்டீரா பிர்லோ

இந்த சுற்றுப்போட்டியில் பிரகாசிக்கும் இங்கிலாந்து வீரர்கள் : அண்டி கரோல் , ஜெரோன் லாஸ்கொட், ரூனி, வால்கொட், வெல்பக் ( தலா ஒரு கோல்கள்), அஷ்லே கோல், டெரி, யங்

இந்த போட்டியின் பெறுபேறு இப்படி முடியலாம்: (2-1) இங்கிலாந்து வெற்றி, (1-0) இங்கிலாந்து வெற்றி. ஒரு வேளை தப்பி தவறி இத்தாலி வென்று விட்டால அது இங்கிலாந்தின் மகா சொதப்பலான ஆட்டத்தால் தான் இருக்கும்.சில வேளைகளில் பெனால்டி கூட ஆகலாம். ஆகினால் போட்டி பார்த்து தெரிஞ்சுக்கோங்க.............. ஏன்னா பெனால்டி யார் அடிப்பான்னு சொல்லுமளவுக்கு எனக்கு மூளைகெடையாது சாரே!




இப்போ இன்னொரு கணிப்பு ( எவன்டா அவன் ? மற்படியுமான்னு கேக்கிறது?) அதாவது ஒவ்வொரு காலிறுதி போட்டியிலிருந்தும் எந்தெந்த அணிகள் அரையிறுதிக்கு தகுதி பெறும்னு சொல்லியிருந்தேன் இல்லையா? அதை வைத்துக்கொண்டு இப்போது எந்தெந்த அணிகள் அரையிறுதியில் மோதும் அதன் பெறுபேறுகள் எப்படி இருக்கும் என்று பார்த்துவிடலாம்.

அதன் படி முதலாவது அரையிறுதியில் போர்த்துக்கல் எதிர் ஸ்பெயின் மோதும் வாய்ப்பு இருக்கின்றது.

இரண்டாவது அரையிறுதியில்  ஜேர்மனி எதிர் இங்கிலாந்து அணிகள் மோதும் வாய்ப்பு இருக்கின்றது.

அணிகளின் இப்போதைய ஆட்டங்களை வைத்துப்பார்க்கும் போது முதலாவது அரையிறுதியிலிருந்து  ஸ்பெயின்  அணியும் இரண்டாவது அரையிறுதியிலிருந்து ஜேர்மனி  அணியும் இறுதிப்போட்டிக்கு முன்னேறும் வாய்ப்புக்கள் அதிகமாக உள்ளது.ஆனாலும் இவை இப்போதைய நிலை தான் . காலிறுதியில் அணிகளின் ஆட்டமுறைமை மற்றும் ஆடும் விதம் என்பன மாறலாம். யார் கண்டார் நெதர்லாந்து முதல் சுற்றிலேயே வெளியேறும் என்று. அதுபோல் இங்கும் ஆகலாம். இந்த காலிறுதி போட்டிகள் முடிவடைந்த பின்னர் அரையிறுதி தொடர்பில் இன்னுமொரு பதிவு தராலாம் என்று இருக்கிறேன் நீங்கள் யாரும் கல்லால் எறியாத பட்சத்தில்!

அட ஃபுட்பால் மேட்ச் பாருங்கப்பா!

23 comments:

  1. //பல ஜாம்பவான்களோடு நம்ம JZ!//
    யாரந்த காமடிப்பீஸ்???

    ReplyDelete
    Replies
    1. எலேய்! எங்க அண்னன் பாத்து காமடீ பீஸ்ன்னா அப்புறம் நீயி பீஸ் பீஸாகிடுவ! அவரு எங்கக்கெல்லாம் காட்ஃபாதரு. நாங்க சூர்யான்னா அவருதான் போதிதர்மரு

      Delete
  2. //அர்ஷாவின் மட்டும் இருந்து ஒரு ஆணியையும் புடுங்க‌ முடியாதுன்னு//
    எலேய்!.. அர்ஷாவின் ஆட்டம் சூப்பர்லே.. அதுக்காக அவன் மட்டும்தான் ரஷ்யான்னுல்லாம் சொல்லப் படாது!
    ஸகோயெவ் , ஸிர்கோவ்.. இவனுங்கள்லாம் யாருன்னே எனக்கு தெரியாம இருந்திச்சு.. இப்போ ஃபேமிலியராயிருக்கு மாப்ளே!

    ReplyDelete
    Replies
    1. அட அதுதான் நான் சொன்னேன்ல! அது போக நான் உன்னய சும்மா கலாய்ச்சன் நண்பா ! கோவிச்சுகின்னியா?

      Delete
    2. ///ஸகோயெவ் , ஸிர்கோவ்.. இவனுங்கள்லாம் யாருன்னே எனக்கு தெரியாம இருந்திச்சு.. இப்போ ஃபேமிலியராயிருக்கு மாப்ளே!//////

      ஷிகோர்கோவ், ஷகிர்கோவ் பத்தி நான் ஏற்கனவே என்னோட மொதல் யூரோ பதிவில சொல்லியிருந்தேன் மறந்துட்டியா? உன் ரேஞ்சுக்கு இல்லன்னாலும் எங்களுக்கும் கொஞ்சம் ஃபுட்போல் தெரியுமப்பா..... ஹி...ஹி...ஹி... lol

      Delete
  3. போர்த்துக்கல்லும் செக்கும்...?

    இதுல்லாம் ஒரு கஷ்டமான கேள்வியா? ஒரே சின்னப்புள்ளத்தனமால்ல!!!
    அண்ணன் தனியாயிருந்தே தூக்கிக்கொண்டு போவாருடா டீமை... பத்தாததுக்கு பொஸ்டீகா வேற நல்லா ஆடுறதால ஒரு 2-0, 3-0 எதிர்பார்த்துக்கிட்டு கெடக்கேன்!

    ReplyDelete
    Replies
    1. அது எனக்கும் தெரியுமப்பு, ஆனா அப்பாலிக்கா ஜேர்மன்! அவ்வ்வ்வ்வ்வ்வ்வ்வ்வ்வ்.....!

      Delete
  4. பிரான்ஸ் vs ஸ்பெயின்

    பஎன்னடா திடீர்னு ஜகா வாங்குற.. கான்ஃபிடன்ஸ் பாஸ் கான்பிடன்ஸ்! நம்ம தான்... (???).... ஜெயிப்போம்!! பெனள்ஸமா மேல நம்பிக்கை வையி!

    ReplyDelete
    Replies
    1. தல ஜகா எல்லாம் வாங்கல தல! ஆனாலும் ஒரு பதிவு போடும் போது உண்மைய அப்படியே மறச்சிட முடியுமா? லேசா பேஸ்மென்ட் ஆடத்தான் செய்யுது. அது போக இன்னுமொரு கடுப்பு, எப்படா இந்த ஃபப்ரிகாஸ் பயல பார்சிலோனாவ விட்டு தொரத்துவாய்ங்கன்னு பாத்துகிட்டு இருக்கேன், ஆன அந்த பக்கி இந்த டூர்னமென்டில செமத்தியா ஆடுறான் மச்சி, அப்போ இன்னும் ரெண்டு வருஷத்துக்கு பார்சிலோனாவில் தான் இருப்பானா? ஒரே குஷ்டமப்பா!

      இப்பயும் பிரான்ஸ் ஜெயிக்கட்டும் என்றே பிரார்த்திக்கிறேன்,!

      Delete
  5. கிரீஸ் - ஜேர்மனி!

    யப்பா... ஜேர்மனிதான் 97% ஜெயிக்கும்... ஆனா 2004ல இருந்தா மாதிரி ஒரு குருட்டுத்தனமான அதர்ஷ்டத்துல கிரீஸ் வந்தா நான் அடையும் சந்தோசத்துக்கு அளவேயிருக்காது..

    ஆக்சுவலி இப்போ இருக்க இந்த 8 டீம்ல இத்ததாலி, ஸ்பெயின், ஜேர்மனி ஆகிய டீம்களை தவிர எது ஜெயிச்சாலும் மகிழ்ச்சியே!!

    காரணங்கள்-
    1. நமக்கு Underdog ஸ்டோரிதான் புடிக்கும்..
    2. இத்தாலி... அடிங்கோ!! வரவே--- கூடாது!!!
    3. ஸ்பெயின்.. அதான் ரெண்டு ஜெயிச்சுட்டாங்கள்ல.. போதும் நிறுத்திக்கலாம்!
    4. ஜேர்மனி.. நீங்க இவ்வளவு வாட்டி யுரோ ஜெயிச்சது போதாதா??

    (ஆனாலும் நீ சொல்ற மாதிரி ஸ்பெயினும், ஜேர்மனயும் ஃபைனல்ஸ் வந்தா நான் என் சப்போர்ட்டை லைட்டா ஜேர்மனிக்கு மாத்திக்குவேன்.. ஏன்னா முலர், கோமஸ் இந்த மாதிரி வளரும் நட்சத்திரங்கள்லாம் இன்னும் முக்கியமான கோப்பைகள் ஜெயிக்காம இருக்கானுவ!)

    ReplyDelete
    Replies
    1. நீயி வளச்சு வளச்சு போர்த்துக்கல் பக்கமே சாயுறடா மவனே! lol.

      பதிவு போடும் போது என்னவோ சாதக , பாதகங்களை பாத்து ஒரு நடுநிலமையா போட்டுக்குவேன். ஆனா இந்த மாதிரி பின்னூட்டம் போடும் போது பொலம்பி தளிடுவேன். உன்னய மாதிரி பக்குவப்பட்ட மனசெல்லாம் எனக்கு இல்ல நண்பா, என்னதான் நடந்தாலும் மனசு ஜேர்மனை விட்டு வரமாட்டேங்குது! தப்பி தவறி ஜேர்மன் வெளியேறினால் ( தூ....தூ...தூ....) நெக்ஸ்ட் பிரான்ஸ், அப்புறம் ஸ்பெயின். அதுவும் இல்லன்னா மேட்ச் கான்சல்டா... மறுபடியும் சூட்கேச தூக்கிட்டு கெளம்பிடுவேன்.

      Delete
  6. இத்தாலி - இங்கிலாந்து

    கன்ஃபார்மா இங்கிலாந்துதான்! ஆனாலும் இத்தாலியை குறைச்சு எடை போட்டா கதை கந்தலாயிரும்!
    (அதுவும் pirlo கையில ஃப்றீ கிக் சான்ஸ் ஏதும் போச்சு... சங்குதான்!!!!)

    ஒரே யுனிட்டா ஒழுங்கா விளையாடுனாங்கன்னா இங்கிலாந்து தாண்டிப்போறதுல எந்த சிரமமும் இருக்காதுன்னு நம்புறேன்!

    ReplyDelete
    Replies
    1. எனக்கு ஏனோ தெரியல இத்தாலியையும் பிடிக்காது இங்கிலாந்தையும் பிடிக்காது, ஆனால் இங்கிலாந்து இத்தாலி சமரில் என்னோட ஆதரவு இங்கிலாந்துக்கே. தேளா ? பாம்பா? என்றால் தேள் தான் எனது சொய்ஸ்.

      Delete
  7. சாமி நான் புட்பால் எல்லாம் பார்க்கிறதில்ல. ஆனா உன்னோட படங்களை பார்த்தப்புறம் பார்க்கச் சொல்லுதேப்பா

    ReplyDelete
    Replies
    1. அட அப்பிடியாவது பாருங்கப்பா! கிரிக்கட்டும் எனக்கு பிடிக்கும் என்றாலும் எட்டு மணிநேரம் குந்தியிருந்து ஒரு மேட்ச் பார்ப்பதற்குள் ஒன்றரை மணிநேரத்தில் விறுவிறுப்பாக ஒரு போட்டியை பார்த்துவிடலாம். அது போக இது மாதிரி குஜிலிஸ் எல்லாம் மேட்ச் பார்க்க வெரும்ன்றது இன்னொரு அட்வான்டேஜ். ஹி...ஹி...ஹி...

      Delete
  8. தமிழில் உதைபந்து போட்டிகள் சம்பந்தமாக வெளிவரும் சிறந்த பதிவுகள் இங்கு தான் காணமுடிகிறது...
    வாழ்த்துக்கள் தொடர்ந்து எழுதுங்கள்...ஒரு நாள் அங்கீகாரம் கிடைக்கும்.

    ReplyDelete
    Replies
    1. ///தமிழில் உதைபந்து போட்டிகள் சம்பந்தமாக வெளிவரும் சிறந்த பதிவுகள் இங்கு தான் காணமுடிகிறது...//////

      உண்மைக்கும் சொல்றியா தல! அப்பிடி ஒருவேளை அது உண்மையாக இருந்தால் , அத்த உன்னோட வாயால கேட்கிறதே பெரிய வெற்றி தான் தல!

      அப்புறம் விகடன்ல உனக்கு ஒரு அங்கிகாரம் கிடச்சிருக்காம்ல..... கலக்குற நண்பா!

      Delete
  9. முன்ன மாதிரி எல்லாம் பிளாகிங்க் பக்கம் வருறது இல்ல நண்பா..உங்க பதிவுகள் கூட மிஸ் பண்ணிட்டேன்.டைம் பார்த்து படிச்சு கமெண்ட் போடுறேன்.

    பதிவு அருமை..நண்பா..யூரோ பற்றியும் தமிழ் பதிவுலகில் எழுத ஆளு இருக்கேனு காட்டுறீங்க..உங்க எழுத்தை படிச்சுட்டே இருக்கலாம்.
    நானும் டைம் கிடைக்கிற போதெலாம் கேம்ஸ் பார்த்துட்டுதான் வாரேன்..எனக்கென்னமோ பெருமளவில் எதுவும் 100 பெர்செண்ட் இம்பிரஸ் பண்ணல.பட் இன்னிக்கு வருற மேட்ச் ஸ்பெயின் - ஃப்ரான்ஸ் செம்மையா இருக்குமுனு கணக்கிடுறேன்.பார்ப்போம்.

    ReplyDelete
    Replies
    1. ////முன்ன மாதிரி எல்லாம் பிளாகிங்க் பக்கம் வருறது இல்ல நண்பா..///

      நீங்க அப்பிடியெல்லாம் விட்டுட கூடாது குமரன், உங்களோட எழுத்துக்களுக்கு தனியான ரசிகர் கூட்டமே இருக்கு, எனவே தயவுசெய்து தொடர்ந்து எழுதுங்கள்.

      ///பதிவு அருமை..நண்பா..யூரோ பற்றியும் தமிழ் பதிவுலகில் எழுத ஆளு இருக்கேனு காட்டுறீங்க..உங்க எழுத்தை படிச்சுட்டே இருக்கலாம்.///

      நீங்கள் இப்போது வந்த வரைக்கும் சந்தோஷம், ஏதோ என்னால முடிஞ்சதை எழுதிக்கொண்டு இருக்கிறேன். எல்லாம் ஒரு யூகம் தானே!நிச்சயம் பிரான்ஸ் , ஸ்பெயின் கேம் தான் மச்சி இந்த சுற்று போட்டியோட ஹைலைட்டா இருக்கபோகுது.

      Delete
  10. உதைப்பந்துலகில் எனக்கு பிடிச்ச மூன்று டீம்ஸ்-நா அது அர்ஜெண்டினா (அது யூரோல இல்ல), அடுத்து ஸ்பெயின் (இப்பைக்கு அவங்க மட்டும்தான் ஒரே ஹோப் எனக்கு), அடுத்ததா நெதெர்லாந்து (என்ன இப்படி கவுத்து உலக தோல்வியை அடைந்துட்டாங்க)...ஸ்பெயின் இந்த முறையும் கப் தெய்குமுனு எதிர்ப்பர்க்கிறேன்.

    போர்த்துகலும் வர வர விளையாட்டுல சூடு பிடிக்கிறாங்க..அவங்க கப்பை அடிச்சாலும் அடிப்பாங்க.வூஸ் நோ ?
    அப்புறம் வாரேன்,,நண்பா,நன்றி.

    ReplyDelete
    Replies
    1. எனக்கு மெஸி பிடிக்கும்னாலும் ஆர்ஜன்டீனா பிடிக்காது, அது போலா பார்சிலோனா பிடிக்கும்னாலும் ஸ்பெயின் என்னோட 4வது தெரிவுதான். நோ.....நோ.....நொ...... ஜேர்மன் இருக்கிறப்போ சில்லறப்பயல் போர்த்ஹ்டுக்கல் எல்லாம் ஆடப்படாது, ரொம்ப தப்பு .....தப்பு..... தப்பு.......

      ரொம்ப நாளுக்கப்புறம் உங்களோட வருகைக்கு நன்றி தல! அடிக்கடி வாங்கோ!

      Delete
  11. வணக்கம் பாஸ் ... ஃபுட்பால் பற்றி சூப்பரா எழுதியிருக்கீங்க. மேட்ச் ஆரம்பிக்குறதே 12.15க்கு தான். முடிய 2 - 2.30 ஆகும். டைம் சோன் வெரி காம்ப்ளிகேடட் ப்ராப்ளம். காலைல 7,8 மணிக்கு ஹைலைட் பாக்குறதோட சரி. இல்லாட்டி மேட்ச் ரீப்ளே போட்டா தான்.

    இம்முறை அதிகம் கப் வெல்ல வாய்ப்பு ஜேர்மனிக்கு தான் இருக்கு போல. க்ரீஸை வச்சி மேய்ஞ்சிட்டாங்கப்பா. டீம் கெமிஸ்ட்ரி இவனுங்க கிட்ட தான் நல்லா வேல செய்யுது. என் சப்போர்ட்டும் இவனுங்களுக்கு தான்.

    ReplyDelete
    Replies
    1. வாங்கண்ணே உங்களோட வருகைக்கு ரொம்ப நன்றி! உங்கள நம்ம பிளாகில பாத்திருக்கேன். சாரி..... உங்க பிளாக் பாக்க இன்னமும் குடுத்துவைக்கல. பெரியவா நீங்க வந்து வணக்கம் வச்சிருக்கீங்க, நானும் வந்து அட்டெண்ஸ் போட்டுடுறேன். ஃபுட் போல் பாக்குறதுன்னா சாம கோழியாட்டம் முழிச்சிருப்பேன். உங்கள் வாக்கு பலிக்கட்டும், ஜேர்மனே இந்த கோப்பையை வெல்லட்டும். இன்னிக்கு ரொம்ப முக்கியமான மேட்ச் இருக்கு பாஸ்! முடிஞ்சா மிஸ் பண்ணாம பாருங்க!

      Delete

LinkWithin

Related Posts Plugin for WordPress, Blogger...