உதைபந்து

Monday, July 23, 2012

வெள்ளைக்காரனுக்கு மட்டுமே பல்லக்கு தூக்கும் தமிழ் பதிவர்கள்! "பேட் மேன்" விமர்சனம்!


படத்தில் பேட் மேன்!





இப்போ எந்த தமிழ் திரட்டியை திருப்பினாலும் ஆளாளுக்கு பேட் மேன் விமர்சனம் போட்டு அசத்துறாய்ங்க! அவனவன் ஹிட்ஸ் சும்மா எகிறுது! ஹிட்ஸ் எல்லாம் நமக்கு ஒரு பெரிய பொருட்டே கிடையாது என்றாலும் , ஃபேஸ்புக்கில் நண்பர் தினகரன் ரேணுகா ஒரு வேண்டு கோளை முன்வைத்தார்! அதாவது எனது பாணியில் பேட் மேன் விமர்சனம் எழுத வேண்டுமென்று. ஐம்பது பதிவு தான் எழுதியிருக்கேன், ஆனாலும் இன்னும் எனது பாணி என்னவென்று எனக்கே தெரியாது ! இருந்தாலும் கொழந்தை ( அண்ணே தினகரன் அண்ணே! இப்போ சந்தோசமா?) ஆசப்பட்டுச்சேன்னு நானும் பேட் மேன் விமர்சனம் போட்டுடலாம்ன்னு களத்தில குதிச்சிட்டேன்!

எமது மக்களாகட்டும் சரி , பதிவர்களாகட்டும் சரி ஆங்கில மோகத்துக்கு கொஞ்சம் அடிமையானவர்கள் என்பது அனைவரும் அறிந்த விடயமே! அதனால தான் இந்த வெள்ளைக்கார பேட் மேன் பற்றிய விமர்சனம் எங்கும் வியாபித்து இருக்கிறது. யாரோ கிறிஸ்டோப்பர் நோலனாம் ! பெரிய அப்பாட்டாக்கராம்! அவரது இயக்கத்தில் கிறிஸ்டியன் பேல் பேட் மேனாக நடித்து   வெளியாகி இருக்கிறது இந்த பேட் மேன்!

பிரம்மாண்டம், தொழிநுட்பம், அசத்தும் இசை, நேர்த்தியான ஒளிப்பதிவு , கிறிஸ்டியன் பேலின் அர்பணிப்பான நடிப்பு ஆகியவற்றால் இந்த பேட் மேன் அனைவரது வரவேற்பையும் பெற்றிருப்பதாக பலரும் தங்களது பதிவுகளில் வண்டி வண்டியாக எழுதி தள்ளுகிறார்கள். ஆனாலும் பேட் மேன் எதிர் பார்த்த அளவு இல்லை என்றும், சுமார் தான் என்றும் கிறிஸ்டோப்பர் நோலன் ஆதரவாளர்களே கூறியிருப்பதாகவும் படிக்கிறேன். சரி ! பாக்கலாம் எத்தனை கொம்பன்கள் பதிவு எழுதினாலும் , எனக்கு  அடுத்தவர் ஒரு ஆங்கில படத்தை சிபாரிசு செய்து ,அதை நான் பார்ப்பதாக இருந்தால் அது நம்ம JZ பதிவுல போட்ட படங்கள் மட்டுமே! ( நானாக சில நல்ல படங்களையும் பார்ப்பதுண்டு) . எனக்கு என்னமோ JZஇன் பதிவுகளில் அவ்ளோ நம்பிக்கை! பயலுக்கும் என்னோட டேஸ்டு!

எல்லோரும் பதிவு போடுறாய்ங்க என்பதாலும் , அபிமானிகள் விரும்பி கேட்டதாலும் JZ பதிவு போடுறதுக்கு முன்னமே பேட் மேனை பார்த்து தொலைத்து விட்டேன். பார்த்த பின்பு தான் புரிந்தது கிறிஸ்தோபர் நோலனின் ஆதரவாளர்கள் கூட ஏன் படத்தை மொக்கை என்கிறார்கள் என்று! சுத்தமாய் நேர்த்தியில்லாத திரைக்கதை , என்ன சொல்ல வருகிறார் என்று இயக்குனருக்கே தெரியாது போல! சொதப்பலோ சொதப்பல் மகா சொதப்பல்!

பேட் மேன் குறித்து மேலதிகமாக விமர்சிக்க முன்பு வெள்ளைக்காரன் என்ன எடுத்தாலும் காவடி எடுத்து அலகு குத்தி "ஆஹா ஓஹோ பிரம்மாதம்" என்று பதிவு போட்டுத்துலைக்கும் தமிழ் பதிவர்களே! இந்த நோலனின் பேட் மேன் தரத்துக்கு, தொழினுட்பத்திலும் சரி கிராபிக்ஸிலும் சரி ஒரு படத்தை எடுப்பதற்கு தமிழ் சினிமா இன்னமும் பக்குவப்படவில்லை என்பது உண்மை தான் . அதற்காக கதை என்னவென்று தனக்கே தெரியாமல் படமெடுத்திருக்கும் நோலனின் இந்த நொந்துபோன படத்தை நீங்கள் பிரபஞ்ச ஹிட் ரீதியில் பேசுவதை வன்மையாக கண்டிகிறேன்

படத்தின் கதை என்னவென்பதை விட படத்தின் மகா சொதப்பலை சொல்லிவிடுகிறேன் முதலில்! பகலில் கோட்டு சூட்டு போட்டுக்கொண்டு சுத்தும் ஒருவன் இரவில் நம்ம முகமூடி ஜீவா ரேஞ்சில் முகத்தை எல்லாம் மூடி கட்டிக்கொண்டு அநியாயத்துக்கு எதிராக போராடுகிறான். வில்லன்கள், காதல், ரொமாண்டிக், ஆக்க்ஷன், சேசிங், பிரம்மாண்டம், வெடிக்கும் கட்டடங்கள், எரியும் கார்கள், இணையும் காதலர்கள் !! கடைசிலில் அந்த முகமூடி போட்டவன் ஜெயிக்கிறான், அந்த வாய் வெந்தவன் தோற்கிறான்! பிரம்மாண்டம், பிரம்மிப்பு எல்லாம் ஓக்கே!! ஆனால் அடிப்படையே இங்கு தப்பால்ல இருக்கு! எல்லோரும் அந்த முகமூடி போட்டவனைத்தான் பேட் மேன் என்கிறார்கள் , ஆனால் உண்மையில் வாயை கட்டிக்கொண்டு அலைகிறானே ஒருவன் அவன் தான் பேட் மேன்! கெட்ட வேலைகள் சகலமும் செய்வது அவன் தான்!! அப்படியிருக்க அந்த கறுப்பு உடை போட்டுக்கொண்டு சுத்துறவன் எப்படி பேட் மேன் ஆக முடியும்? இந்தப் பெரிய  லாஜிக் ஓட்டை ஒன்று இருப்பதை மறந்து நீங்களெல்லாம் அந்த மொக்கை படத்தை ஆஹா... ஓஹோ... என்று புகழ்ந்து தள்ளுகிறீர்கள்!! என்ன ஒரு மட்டமான ரசனை!

நிஜத்தில் பேட் மேன்!

ஆக மொத்தம் இந்த பேட் மேன் கதை என்னவென்றால், நல்லது செய்து எந்தவிதமான சத்திகளோ, தொழினுட்பமோ, பக்கபலமோ , துணையுமோ இல்லாமல் பறந்து பறந்து அடித்து எதிரிகளை தூள் தூளாக்கும் தமிழ் நாயகர்களை நாம் ஹீரோக்கள் என்போம். அவனுக்கு எதிராக நின்று கட்டப்பஞ்சாயத்து , கற்பழிப்பு , ஆள்கடத்தல் பண்ணிப்புட்டு கடைசில ஹீரோ கைல அடிவாங்கி சாவுறவன பேட் மேன் என்போம்! இங்கே அதை உல்டா பண்ணி பெயர்களை மட்டும் மாத்திவிட்டு நல்லது பண்றவன பேட் மேனாக சித்தரித்து தமிழ் சினிமாவை உல்டா பண்ணி அந்த நோலன் பயபுள்ள படமெடுத்திருக்கு, அத்த போயி நம்மாளுகளே அபாரம் ... அருமையின்னு புழுகுறீங்களேப்பா!

ஆனால் தமிழ் படங்களை பொறுத்தவரை எப்போதும் பேட் மேன்கள் வாயை இழுத்துக் கட்டி கொண்டு அலைவதில்லை! டாட்டா சியராவில் இடம் இருந்தாலும் வெளியே தலையை நீட்டிக்கொண்டு கையில் உள்ள பொருளை ஆட்டிக்கொண்டு "ஏய்... ஏய் .... ஏய்... " என்று உறுமிக்கொண்டு வருவதிலேயே பேட் மேன்களை பற்றி தெரியவந்துவிடும். ஆனால் இந்த படத்தில் நல்ல‌து செய்பவனை பேட் மேன் என்று சொல்கிறார்கள். தமிழ் சினிமாவில் அசோகன் முதல் லேட்டஸ்டாக மங்காத்தா அஜித் வரை எத்தனையோ பேட் மேன் கதைகள் சொல்லப்பட்டிருந்தும் கூட நாங்கள் இந்தளவுக்கு ஆர்ப்பாட்டம் பண்ணியதில்லை. ஆனா ஏதோ மூணு நாலு பாகம் பேட் மேன் கதைய எடுத்துப்புட்டு நீங்க பண்ற அலப்பர தாங்க முடியலட அய்ய்யா.... இத தான் எங்க ஊர்ல " ஆமை ஆயிரம் முட்டை போட்டிட்டு அமைதியா போகுமாம் , கோழி ஒத்த முட்டைய போட்டிட்டு கொக்கரிக்குமாம்" எம்பாய்ங்க!


இந்த திரைப்படத்தில் நல்லவன் ஒருவனை பேட் மேன் என்கிறார்கள் அதை ஆஹா.. ஒஹோவென்று எழுத எத்தனையோ பதிவர்கள் இருக்கிறார்கள். அது போல் தமிழ் படங்களில் வரும் பேட் மேன்களை பற்றி எழுதவும் அவர்களை விட அதிகம் பேர் இருக்கிறார்கள். ஆனால் நமது கண்முன்னே அலையும் பேட் மேன்களை பற்றி யாருமே கண்டுகொள்வதில்லை. எனக்கு தெரிந்து எனது தெருவிலேயே நிறைய பேட் மேன்கள் குடியிருக்கிறார்கள். அது போக வேறு தெருவிலிருந்தும் , வேறு ஏரியாக்களிலிருந்தும் கூட பேட் மேன்கள் எங்களது தெருவுக்கு வருவதுண்டு.  அவர்கள் வயது வித்தியாசமின்றி இருப்பார்கள். முகங்களை மூடியெல்லாம் கட்டியிருக்க மாட்டார்கள், துணிஞ்ச பய புள்ளைங்க அவைங்க! 

பேட் மேன்களில் நெறைய வகைகள் உண்டு! பெரிய பேட் மேன், மீடியம் , பேட் மேன், சிமோல் பேட் மேன், அப்புறம் காமடி பேட் மேன் என்று நீட்டிக்கொண்டே செல்லலாம்! பெரிய பேட் மேன்கள் கொலை ,கொள்ளை மற்றும் கற்பழிப்புக்களில் டிகிரி முடித்தவர்களாக இருப்பார்கள் ஆனால் போலீசில் மாட்ட மாட்டார்கள். மீடியம் பேட் மேன்கள் அடிக்கடி ஜெயிலுக்கு போய் வருவார்கள். சிமோல் பேட் மேன்கள் தன் எனது தெருக்களில் அதிகம் இருக்கிறார்கள். ஆனால் இந்த காமடி பேட் மேன்கள் யாரென்றால் இடி இடிச்சு மழையே பெய்ஞ்சாலும் நடு ரோட்டில் நின்னு சிகரட் புடிக்கிறவன், "செருப்பால அடிப்பன்டா நாயே"ன்னு ஒரு பொண்ணு சொன்னதுக்கு அப்புறமும் " மச்சி அவ செருப்பால அடிப்பேன்னு சொல்லும் போது அவளோட கண்ணை கவனிச்சியா ? அதில காதல் தெரியுதுடான்னு" அநியாயத்துக்கு அப்பாவியா இருப்பவனும்,  எங்கேயோ போயி ஃபிரண்டுங்க கூட நல்லா தண்ணி அடிச்சுப்புட்டு , சரியா வீட்டுக்கு வந்ததும் அப்பா முன்னாடி வாந்தி எடுக்கிறவன் எல்லாம் காமடி பேட் மேன் லிஸ்டுக்குள் வருவார்கள்.

என்னய இந்த பதிவு போட சொன்ன பேட் மேன்! அண்ணன் தினகரன் ரேணுகா தன் குழந்தையோடு!

எனது தெருவில் திரியும் பேட் மேன்கள் எல்லாம் இரவில் மட்டும் வருவது கிடையாது. காலாங்காத்தால பல்லு வெளக்காம கடைக்கு வர்ரது ( நைட்டியோடு நிக்கும் எதிர்த்த வீட்டு ஃபிகர் லுக்கிங்) , அப்புறம் மத்தியானம் கறியோடு சோறு தின்னுட்டு முச்சந்தில உக்காந்து பல்லு குத்துறது, சாயுங்காலம் இவனுக தொல்ல தாங்க முடியாம ஆத்தாகாரி கூட அடுத்த தெரு போய்வரும் பொண்ணெயெல்லாம் ஜொள் ஒழுக பாத்து , அப்புறம் ஆத்தாக்காரி சுடுதண்ணிய மூஞ்சில ஊத்தினதுக்கு அப்புறமா சங்கத்தை கலைக்கிறதுன்னு பகலிலும் பந்தாடுவார்கள் இந்த பேட் மேன்கள்.

இரவில் அந்த வெள்ளைக்கார பேட் மேன் போலவே இவர்களது நடமாட்டமும் அதிகமாக இருக்கும் , ஆனால் அந்த வெள்ளைக்காரன் வருவது போல் கொள்ளைக்காரன் கெட்டப்பில் எல்லாம் வந்து பயமுறுத்த மாட்டார்கள்.  வெள்ளைக்காரனிடம் நிறைய பணம் இருக்கிறது அதனால் அவன் பேட் மேனுக்காக தனியான ஃபிளைட்டு, அப்பாச்சி அத்தாச்சி ரேஞ்சில் ஒரு பைக்கு, நவீன கருவி எல்லாம் குடுத்து இருக்கான். ஆனால் எங்கள் ஏரியா பேட் மேன்கள் அனேகமாக சைக்கிளில் தான் அலைவார்கள், கொஞ்சம் வசதி கொறஞ்ச பேட் மேன்கள் நடந்தும் தங்கள் கடமைக்கு போவார்கள்.

பதிவு போட்ட பேட் மேன் ! 

அடுக்குமாடி கட்டிடம் உடைதல், ஃபிளைட்டு கிராஷ், தீப்பிடித்து எரியும் டேங்கர் லாரி என்றில்லாமல் ஏதோ தங்களால் முடிஞ்ச அளவுக்கு சோடா பாட்டில் உடைக்கிறது, தீக்குச்சிய கொளுத்தி காரணமே இல்லாம தெருவில எறியிறது, முச்சந்தியில் ஃபிகர பாத்துக்கிட்டே வந்து ஆட்டோவில் மோதுவது என்று பிரம்மாண்டம் காட்டுவார்கள்இப்படி உங்கள் தெரிவிலும் நெறைய பேட் மேன்கள் இருப்பார்களே!!!

அடுக்கு பெட்டியில் அம்மா வச்ச அஞ்சு ரூபாவ திருடினப்பவே நானும் பேட் மேன் ஆயிட்டேன்! இனிமே எனக்கு சூப்பர் ஹீர்ரொ டிரஸ் தைக்கணும்ன்னா ரொம்ப செலவாகும் என்பதால், இப்போதைக்கு அழுக்கு லுங்கியோடு அலைவதே உலக பொருளாதாரத்துக்கு நன்மை பயக்கும்! ஆமா! உங்கள்ள எத்தின பேரு பேட் மேன்?

டிஸ்கி : அது வந்துங்க , பாத்தீங்கன்னாக்கா இந்த டார்க் நைற் ரைசஸ் படத்த பாத்தவனுகள விட , அத பத்தி பதிவெளுதினவய்ங்க தொகை தான் அதிகமா இருக்கு! நான் மட்டும் என்ன புதுசா சொல்லிட போறேன்! அது தான் கொஞ்சம் வித்தியாசமா ஹி...ஹி...ஹி...

டிஸ்கி : என்ன தினகரன் அண்ணே! பேட் மேன் விமர்சனம் ஓக்கேவா? இப்போ சந்தோசமா? என்னோட பாணி வழிஞ்சு ஓடுதில்ல!!!!  இதற்காகத்தானே ஆசைப்பட்டாய் பாலகுமாரா?

எனக்கு ஒண்ணுமே தெரியாது ! நான் அப்பாவி ! எல்லாத்துக்கும் காரணம் அண்ணன் தினகரன் தான்!

27 comments:

  1. பேட் மேன் எண்டு சொல்லி இருக்கீங்க அவர் right hand பேட் மேனா இல்ல left hand பேட் மேனா எண்டு கடைசி வரையும் சொல்லவே இல்லையே பாஸ். ஏன் மறந்திட்டீங்களா?

    ReplyDelete
    Replies
    1. இவனுக ரெண்டு கைலயும் அடிப்பானுக! சமயத்தில காலால கூட அடிப்பாய்ங்கண்ணா பாத்துக்கோயேன்!

      Delete
    2. யோ! நீ தூங்கவே மாடியா இப்போ அங்க என்ன நேரம்யா, யாரோட கடலை போட்டுட்டு இருந்த...?

      Delete
    3. தூங்கினாத் தான் செத்துப்போய்ட்டான்னு மூக்கில பஞ்சு வச்சு, நெத்தில காசு ஒட்டி, பதினஞ்சாம் நாள் காரியம் பண்ணிடுவீங்களேடா

      Delete
  2. இதுவா மேட்டரு?ஆளாளுக்கு கொடி பிடிச்சாங்க?உலக சினிமா!! :P

    ReplyDelete
    Replies
    1. அது தானே! நம்மாளுகளுக்கு இது தாண்ணே ஒரு கெட்ட பழக்கம்! வெள்ளக்காரன் எது பண்ணினாலும் ஆஹா .. ஒஹோன்னு புகழ்ந்து தள்ளுவாய்ங்க!

      Delete
  3. @@ இந்த திரைப்படத்தில் நல்லவன் ஒருவனை பேட் மேன் என்கிறார்கள் @@
    இந்த ஒரே வரியில் நான் வீழ்ந்துட்டேன்பா...என்னமா எழுதுறே,,
    பாஸ்..என்னை தெரியுதா..?

    ReplyDelete
    Replies
    1. தல உங்கள தெரியாமலா! நீங்க இப்போ அடிக்கடி பதிவெழுதிறது இல்லன்னாலும் உங்க பிளாக்குக்கு சும்மான்னாச்சும் வந்து ஒரு வணக்கம் போட்டுறத நான் மறக்கல! பை தி பை ! வருகைக்கு நன்றி ! அடிக்கடி வாங்க , அத விட முக்கியம் அடிக்கடி எழுதுங்க!

      Delete
    2. தல ஞாபகம் வச்சிருக்கீங்களே அதுவே பெரிய விஷயம்..அப்பப்ப பிளாக் பக்கமா வந்து வணக்கம் சொல்லி ஆதரவு தெரிவிப்பதற்கும் மிக்க நன்றி..
      நல்லா எழுதுறீங்க..தொடருங்கள்.

      Delete
    3. அட உங்கள எல்லாம் மறக்க முடியுமா? என்னோட ஆதரவு எப்பவும் உங்களுக்கு உண்டு! நாமெல்லாம் ஒரே கன்றி ! நமக்குள்ள எதுக்கு நன்றி?

      Delete
  4. உன்ர சங்கத்தை பற்றி நீயே போட்டுக்குடுக்கிறியே அப்போ எப்பிடி அடி மட்டத்தொண்டர்கள் ஒழுங்கா இருப்பாக?

    ஆமா “பதிவு போட்ட பேட் மேன்” இது என்னல வில்லத்தனமா இருக்கு.

    ReplyDelete
    Replies
    1. ராஜா நாங்க பேட் மேனா இருந்தாலும்! ரொம்ப நல்லவய்ங்களா இருப்போம்! ( குழப்பமா இருக்கா?) எனக்கே அப்பிடித்தான் இருக்கு!

      அது எங்க கம்பஸ்ல நாடகம் நடந்தப்போ போட்ட கெட்டப்பு! அல்லது கெட்ட அப்பு!

      Delete
  5. யோய், BAD மேன் பத்தி இவ்வளவு ஆராச்சி எல்லாம் சரி.....அதுக்கு எதுக்கு மஞ்ச துண்டு டைனோசர் போட்டோ போட்டு இருக்க.....அப்புறம் நைட் என்றாலே DARK தானே...அப்புறம் என்ன டார்க் நைட் .....மர மண்டை டைரக்டர்.....
    நீ நடத்து ராசா.....

    ReplyDelete
    Replies
    1. ///அதுக்கு எதுக்கு மஞ்ச துண்டு டைனோசர் போட்டோ போட்டு இருக்க.....///

      இது உங்கள போல பிரபல பதிவர்கள் வந்து போற இடமுண்ணே! மத்தவங்க கண்ணு பட்டிர கூடாதுன்னு தான் திருஷ்டிக்கு அந்த டைனோசர் படத்தை மாட்டி விட்டிருக்கேன்!

      ////அப்புறம் நைட் என்றாலே DARK தானே...அப்புறம் என்ன டார்க் நைட் .....மர மண்டை டைரக்டர்.....////

      இத நாங்க சொல்ல போனா நீங்க வெத்து வேட்டு நாங்க ஹாலிவுட்டு எம்பாய்ங்க! விடுங்க பாஸு!

      ///நீ நடத்து ராசா.....///

      நீங்களே சொல்லிப்புட்டீக ! என்ன ஸ்பைடர் மேன் விமர்சனம் போட்டுரலாமா?

      Delete
  6. ஹா... ஹா... உங்க பாணியில் விமர்சனம் நல்லா இருக்குங்க... நன்றி ....

    ReplyDelete
    Replies
    1. வருகைக்கும் பாராட்டுக்கும் ரொம்ப நன்றிண்ணே!

      Delete
  7. //எனக்கு என்னமோ JZஇன் பதிவுகளில் அவ்ளோ நம்பிக்கை! பயலுக்கும் என்னோட டேஸ்டு!//
    ஓ காட்.. ஆம்புலன்ஸுக்கு யாராவது ஃபோளன் போடுங்கப்பா..

    //அப்புறம் காமடி பேட் மேன்//
    இது என்ன? உங்களுக்கு நீங்களே கொடுத்துக்கற பட்டமா??

    ReplyDelete
    Replies
    1. ///ஓ காட்.. ஆம்புலன்ஸுக்கு யாராவது ஃபோளன் போடுங்கப்பா..

      ஏன் பாஸ் நேத்து சாப்பிட்டது ஒத்துக்கலியோ?

      ///இது என்ன? உங்களுக்கு நீங்களே கொடுத்துக்கற பட்டமா??///

      அதே!

      Delete
  8. ஏய் வெவஸ்தை கேட் வானே!!
    இம்புட்டு நாளும் ஒரு மார்க்கமா காஜல், ஆன்ட்ரியா, அமலா பால் படங்களை தாளன் போட்டுக்கிட்டிருந்தே..

    இப்ப உன்னை நீயே பல ஆங்கிள்கல்ல எடுத்து பயமுறுத்துற..
    இப்படி இருந்தா எப்புடி ஹிட்ஸ் வரும்!

    We Want Kajal!! We Want Kajal!! We Want Kajal!! We Want Kajal!! We Want Kajal!! We Want Kajal!! We Want Kajal!! We Want Kajal!! We Want Kajal!!

    ReplyDelete
    Replies
    1. என்னய்யா உங்க கூட பெரிய ரோதனையா போச்சு! அந்த படத்தை போட்டா ஆபாசம்ன்னு ஃபேஸ்புகில ரெண்டு பேரு என்னய கிழி கிழின்னு கிழிக்கிறாய்ங்க! என்னோட படத்த போட்டா பயமா இருக்குன்னு நீயி பொலம்புற! ஓ! காட்!! என்ன ஒலகமடா!!! எனக்கு ஹிட்ஸ் வருதோ இல்லையோ நீங்க அடிக்கிறீங்கடா எனக்கு ஹிட்டு!

      Delete
  9. ஹி ஹி
    மிகவும் அருமை
    http://dohatalkies.blogspot.com/2012/07/schindlers-list_1072.html

    ReplyDelete
    Replies
    1. வருகைக்கும் , பின்னூட்டத்துக்கும் நன்றி நண்பா!

      Delete
  10. இந்த கிரிஸ்டோபர் நொள்ளனை...ஏன்தான் இப்படி கொணாடாடுறாங்களோ...தெரியல...
    இவனோட சூப்ப்ர் டூப்பர் ஹிட் ‘இன்சப்ஷனே’...அந்த வருசமே வந்த ‘மார்ட்டின் ஸ்கார்சியின்- ஷட்டர் ஐலேண்ட்’ முன்னாடி நிக்க கூட முடியாது.
    அவன் எடுத்ததிலே இரண்டு படம்தான் உருப்படி[மெமண்டோ&பாலோவிங்].
    அது கூட நம்ம ஆரண்ய காண்டம் படத்தோட கம்பேர் பண்ணா...
    அந்த படங்களும் ரொம்ப...ரொம்ப...கம்மி.

    நொள்ளனை நோண்டி நொங்கெடுத்ததுக்கு நன்றி நண்பா.

    ReplyDelete
    Replies
    1. அட! மெமன்டோ கூட நம்ம முருகதாஸ் மொதல்லயே யோசிச்ச கதை தானாம் நண்பா! ஒரு முறை முருகதாஸ் யூ.எஸ் போனப்போ அந்த கதை திருட்டு போயிருச்சாம், அப்புறம் பாத்தா , இந்த நோலன் பயல் அத மெமன்டோன்னு படமாக்கிட்டான். கடைசில கஜினி வந்ததுக்கு அப்புறமா நம்ம முருகதாஸ் "கள்ளன்" ஆகவேண்டியதா போச்சு!

      வருகைக்கும் பின்னூடத்துக்கும் நன்றி நண்பா!

      Delete
  11. இன்னாய்யா இப்படி சொல்லிபுட்ட?

    ReplyDelete
    Replies
    1. வேற என்ன பண்ண ? கடுப்பேத்துறார் மை லாட்!

      Delete
    2. ஏன்டா இது விமர்சனமாடா
      முதல்ல BATMAN படத்த தெளிவா பாருடா அறிவுகெட்டவனே.இது ஒரு விமர்சனம் த்தூ.இத ஆதரிச்சு comment பண்ணவணும் உன்ன மாதிரி கூமுட்டை யா தான் இருப்பான்

      Delete

LinkWithin

Related Posts Plugin for WordPress, Blogger...