அவய்ங்க என்ன அவ்ளோ பெரிய அப்பாட்டாக்கருங்களா?

மாற்றம் ஒன்று தான் இந்த உலகில் மாற்றம் இல்லாதது இது வடிவேலு டயலாக். மாற்றங்கல் சிறியதோ பெரியதோ அது "பட்டாம்பூச்சி விளைவு" கோட்பாட்டுக்கு அமைய பெரியளவு மாற்ற‌ங்களுக்கு அடிப்படையாக அமைந்து விடுகின்றன. அது சாதகமானதாகவோ பாதகமானதாகவோ இருக்கலாம். ஆக மொத்தம் மாற்றம் தான் உலகில் மாற்றம் இல்லாதது.

உதைபந்தாட்ட வீரர்கள் பரிவர்த்தனை தொடர்பான கடந்த பதிவின் இறுதியில் பத்து வீரர்களின் பரிவர்த்தனை ஏதோவொரு வகையில் உதைபந்தாட்ட உலகில் முக்கியத்துவம் பெறுகிறது ( என் ஊகமாக இருந்த போதிலும், உண்மை இல்லாமல் இல்லை)  என எழுதியிருந்தேன். உண்மையில் இந்த பரிமாற்றங்கள் பெருத்த சாதகமான மாற்றத்தை தரவேண்டுமென்ற எதிர் பார்ப்பிலேயே நிகழ்த்தப்படுகின்றன். ஆனால் சில நேரங்களில் எவளவு பெரிய அட்டாவதானியின் அவதானங்கள் கூட சொதப்பலாகிவிடுவதும் உண்டு. கடந்த சீசனில் பெப் குவாரியோலாவின் பலத்த எதிர் பார்ப்பான ஃபப்ரிகாஸ் சொதப்பியது போல. ( இந்த சீசன் செஸ்க்குக்கு மங்களகரமாக தான் இருக்கிறது, காரணத்தை பின்பொரு பதிவில் ஆராயலாம்) . இப்போது நான் சொன்ன அந்த பத்து வீரர்களின் பரிமாற்ற‌ம் முக்கியத்துவம் பெறும் விதத்தை பார்த்துவிடலாம்.

ஏடன் ஹஸார்ட்  & ஒஸ்கர் 

ஏடன் ஹஸார்ட்

ஒஸ்கர்

கடந்த பருவகாலத்தில் சம்பியன்ஸ் கிண்ணத்தில் எதிர்பாரா வெற்றியை செல்சியா அடைந்திருந்தாலும் ( நான் எதிர்பாரா வெற்றி என சொல்ல காரணம் லீக்கிலும் பெரிய சவாலான அணிகள் இல்லை, அதே போன்று நொக் அவுட் போட்டிகளிலும் செல்சியாவுக்கு அதிஷ்டமே கைகொடுத்தது எனலாம், இறுதி போட்டி அடங்கலாக) ஆனால் 38 போட்டிகள் நிறந்திருந்த இங்கிலாந்தின் பிராந்திய போட்டியான பாஸ்லேஸ் இங்கிலீஷ் பிரீமியர் லீக்கில் நிலைத்து ஆடுவதற்கு செல்சியாவால் முடியாமல் போனது. பிரீமியல் லீக்கில் 2009/2010 பருவகாலத்தில் சம்பியனாகவும், 2010/2011 பருவகாலத்தில் இரண்டாம் இடத்தையும் பெற்ற செல்சியா கடந்த பருவகாலத்தில் முதல் ஐந்து இடங்களையும் கோட்டைவிட்டு ஆறாவது இடத்தை மட்டுமே பெற முடிந்தது. இந்த நிலையில் தான் சம்பியன்ஸ் கிண்ண வெற்றி வந்து சேர்ந்தது . ஆக வந்து சேர்ந்த இந்த கௌரவத்தை காப்பாற்றவும், பிரீமியர் லீக்கில் விட்ட இடத்தை பிடிக்க வேண்டிய நிர்பந்தமும் செல்சியின் நிர்வாகத்தின் முன் இருந்த சவால்களாக இருந்தன. அத்தோடு செல்சியாவின் வெற்றிப் பக்கங்களை எழுதிய டடியர் ட்ரக்பாவின் பிரியாவிடையும் பலத்தை சவால் எனலாம்.

இந்த சவால்களை எதிர் கொள்ள செல்சியாவினால் பல முன்னணி வீரர்கள் இலக்குவைக்கப்பட்டார்கள். அதில் கிடைத்த முதல் வெற்றி தான் லிலே அணியின் அட்டாக்கிங் மிட்ஃபீல்டரான பெல்ஜியத்தின் ஏடன் ஹஸார்ட்.  டொரைஸ் , மிகேல் போன்ற திறமையான முன்கள வீரர்கள் உள்ள செல்சியாவிற்கு , முன்களத்துக்கு அதிக அஸிட்டுகளை செய்யவும் , தேவைப்பட்டால் முன்களத்தில் ஆடி கோல் போடவும் அட்டாக்கிங் மிட்ஃபீல்டரான ஹஸார்ட் சிறந்த தெரிவு தான். இவரின் கொள்வனவானது செல்சியாவுக்கு பயனுள்ளதாகவே இருக்கின்றது என்பதற்கு இதுவரை செல்சியா ஆடிய ஐந்து பிரீமியர் லீக் ஆட்டத்தில் செல்சியா சார்பில் போடப்பட்டுள்ள ஒன்பது கோல்களில் ஒரு கோலை போட்டும், அதேநேரம் நான்கு கோல்களுக்கு காரணமாகவும் ( அஸிட்ட்கள்) இருக்கின்றார் ஹஸார்ட். பிரீமியர் லீகின் டொப் அஸிட் பட்டியலில் முதல் இடத்தில் இருந்துவரும் ஹஸார்ட் இதுவரை செல்சியாவை பிரீமியர் லீக்கின் அட்டவணையில் முதல் இடத்தில் வைத்திருப்பதற்கு பெரும் பங்கு வகித்திருக்கிறார். வகித்து வருகிறார்!

ஒஸ்கரை பொறுத்தவரை அட்டாக்கிங் மிட்ஃபீல்டர் என்ற அடிப்படையில் வாங்கப்பட்டவர் தான், பலத்த எதிர் பார்ப்பு இவர் மீது இன்னமும் இருக்கின்றது, ஆனாலும் ஹஸார்ட் அளவுக்கு இன்னமும் செல்சியாவுக்கு பயன்பட தொடங்கவில்லை என்றாலும் , 21 வயதேயான ஒஸ்கர் ஒரு உறங்கும் எரிமலை , எப்போது வேண்டுமானாலும் வெடிக்கலாம். இந்த பருவகாலத்தின் இறுதியில் செல்சியா எதேனும் சாதனைகளை பதிவுசெய்யும் பட்சத்தில் , பருவகால இறுதியில் பார்க்கையில் அங்கு ஒஸ்கரின் பங்கு கணிசமாக இருக்கும் என்பது மட்டும் நிச்சயம். அந்த வகையில் செல்சியாவின் இந்த பருவகாலத்துக்கான  பிராதான வீரர் கொள்முதலானது பயனுள்ள ஒன்றாகவே படுகின்றது.

வான் பெர்ஸி & அலெக்ஸ் சோங்

பெர்ஸி

சோங்

இந்தஇருவரும் வெவ்வேறு அணிகளில் 

தற்போது ஆடிவந்தாலும் , ஒரே பட்டறையில் இருந்து வெளியேறியவர்கள் தான் அது தான் ஆர்சனல். இவர்களது புதிய வருகை மன்செஸ்டர் யுனைட்டட்டுக்கோ ( பெர்ஸி) பார்சிலோனாவுக்கோ ( சோங்) நன்மையாக இருப்பதற்கு அதிகமாக ஆர்சனலுக்கு குந்தகமாக அமைந்திருப்பதாகவே நான் கருதுகிறேன். காரணம் கடந்த சில பருவகாலங்களாக ஆர்சனலின் இரு பிரதான , தவிர்ர்க்க முடியாத வீரர்களாக இருவர் இருந்தார்கள் என்றால் அது சோங் மற்றும் பேர்ஸியாகத்தான் இருக்க முடியும்.

சோங்கின் கணக்கில் கடந்த பருவகாலத்தில் 14 அஸிட்டுகள், பெர்ஸியின் கணக்கில் 37 கோல்கள் , இவை ஆர்சனலுக்காக இந்த இருவரும் பதிவு செய்த சாதனைகள். கடந்த பருவகாலத்தில் ஆரம்பத்தில் சொதப்பிய ஆர்சனல் இறுதியில் மீண்டுவந்து மூன்றாமிடத்தை பெற்றதற்கு இந்த இருவரது பங்கும் கணிசமானது.ஆனாலும் இந்த பருவகாலத்தில் இருவரையும் விற்றிருக்கின்றது ஆர்சனல். பிரீமியர் லீக்கில் தனது சக போட்டியாளர்களான மன்செஸ்டர் யுனைட்டட், செல்சியா , போன்றவைகள் இந்த பருவகாலத்துக்காக அதிமுக்கியமான வீரர்களை வாங்கி குவித்துள்ள நிலையில் தனது நட்சத்திர , கள அனுபவமுள்ள வீரர்களை விற்றிருக்கின்றது ஆர்சனல். அதுவும் தனது நட்சத்திர வீரரான பெர்ஸியை சக போட்டியாளரான மன்செஸ்டர் அணியிடமே தாரை வார்த்திருக்கிறது ஆர்சனல்.

சோங் மற்றும் பார்சிலோனா பஞ்சாயத்தை விரிவாக இன்னொரு பதிவில் பார்க்கலாம், இப்போது பெர்ஸி விடயத்தை பார்ப்போம். பொதுவாக ஒரு பிராந்தியத்தில் கள அனுபவமுள்ள , நட்சத்திர வீரரை அதே பிராந்திய அணிக்கு அதுவும் தனது போட்டியாளருக்கு எந்த அணியும் விற்பது கிடையாது. காரணம் இந்த அணியின் ஆட்ட நுணுக்கம் அத்தோடு களத்தின் தன்மை பற்றி அந்த வீரருக்கு நன்கு பரீட்சயம் இருக்கும் என்பதால் அது இவர்களுக்கே ஆப்பாகி விடும் என்பதால். ஆனால் ஆர்சனல் பெர்ஸி விடயத்தில் துணிந்து அந்த வேலையை செய்ததற்கு காரணம் வயது அதிகமாகின்றமையும் ( 29 வயது) அதே நேரம் இந்த வயதிலும் கிடைத்த 24 மில்லியன் யூரோ பணமும் என கொள்ளலாமா? காரணம் அதுவாகத்தான் இருக்க முடியும். முப்பது வயது கடந்த வீரருக்கு , அவர் எவளவு பெரிய கொம்பனாக இருந்தாலும் உதைபந்தாட்ட களங்களில் அவளவு எளிதில் நல்ல விலை கிடைக்காது. ( விதிவிலக்கு பார்சிலோனாவில் சாபி ஹர்னாண்டஸ் மற்றும் அண்ட்ரஸ் இனியஸ்டா) ஆக தருணம் பார்த்து பெர்ஸியை தள்ளிவிட்டிருக்கிறது ஆர்சனல். ஆனாலும் இந்த முடிவு ஆர்சனலுக்கு அத்தனை சுவாரசியமாக‌ இருக்கப்போவதில்லை. 

பொடொலஸ்கி, ஒலிவர் கிரோட், சன்டிக் கஸோலா  ( பையனின் ஆட்டம் கொஞ்சம் பரவாயில்லை) ஆகிய வீரர்களை ஆர்சனல் கொள்வனவு செய்திருந்தாலும் பெர்சியின் இழப்பு ஈடுகட்டமுடியானதாகவே இருக்கிறது. இப்போது பிரீமியர் லீக்கில் ஆர்சனலின் நிலை சற்று திருப்தி அளித்தாலும் இன்னமும் நீண்ட தூர பயணம் இருக்கிறது. அதற்கு ஆர்சனல் தாக்கு பிடிக்கிறதா என பொறுத்திருந்து பார்க்கலாம்.  வேணாம் வெளியே போ என்று அனுப்பப்பட்ட பெர்ஸி மன்செஸ்டர் சார்பில் ஆறு போட்டிகளில் ஐந்து கோல்களை அடித்து பிரீமியர் லீக் அதிக கோல் அடித்தவர் பட்டியலில் முதலிடத்தில் இருப்பது ஆர்சனலின் முகாமையாளர் ஆர்சன் வெங்கரின் மனதில் புளியை கரைத்திருக்கும் என்பது மட்டும் நிச்சயம்.

ஆனாலும் எந்த அணியும் ஒரே வீரரின் தயவில் எப்போதும் இருக்க முடியாது தான், மாற்றம் என்பது நிச்சயம் தேவை தான், ஆனால் எனது கருத்து என்னவென்றால் பெர்ஸி, சோங் ஆகியோரை ஆர்சனல் இழக்கும் நேரம் இதுவல்ல என்பது தான்.

ஸிலாற்ர‌ன் இப்ரஹிமோவிக் & தியாகோ சில்வா

இப்ரஹிமோவிக்

தியாகோ சில்வா

இந்த இரண்டு வீரர்களை பொறுத்தவரை ஆர்சனலின் நிலை தான் இத்தாலியின் ஏ.சி.மிலன் அணிக்கும் என்பேன். மிலன் அணியின் அதிமுக்கிய வீரர்களான இந்த இருவரது விற்பனையும் மிலன் அணிக்கு பாரிய இழப்பு என்று தான் சொல்ல வேண்டும். காரணம் பார்சிலோனாவில் இருந்து இப்ரஹிமோவிக் மிலன் அணி சார்பில் வாங்கப்பட்ட பிறகு , சீரி ஏ ஆட்டங்களிலும் சரி பிற தொடர்களிலும் சரி மிலன் சார்பில் இப்ரஹிமோவிக் காட்டிய திறமை அபரிமிதமானது. இப்ரஹிமொவிக்கின் உதவியால் மிலன் அடைந்த அடைவு மட்டங்கள் மிகப்பெரியன. இந்த நிலையில் இப்ரஹிமோவிக்குக்கு சரியான பிரதியீடு ஒன்று இல்லாத நிலையில் அவரை மிலன் இழந்திருப்பதானது இந்த பருவகாலத்தை கடும் சவால்களுக்கு மத்தியில் மிலன் கடக்க வேண்டிய நிர்ப்பந்தத்தை ஏற்படுத்தியிருக்கின்றது. 

அது போல முன்களத்தில் இப்ரஹிமோவிக் என்றால் பின்களத்தில் தியாகோ சில்வா! உலகின் சிறந்த பின்கள வீரர்களை பட்டியலிட்டால் அதற்குள் தனியிடம் பெறும் திறமை வாய்ந்த தியாகோ சில்வாவையும் மிலன் இழந்திருக்கின்றது. தியாகோ சில்வாவை விற்றதனால் மிலன் அடைந்தது ஒரு பெருமை தான் , அதாவது இந்த பருவகாலத்தின் அதிகூடிய விலைக்கு விற்க்கப்பட்ட  வீரர் (42மில்லியன் யூரோ) என்ற அற்ப பெருமை மட்டுமே. சரி ! இந்த இருவரையும் விற்று 65 மில்லியன் யூரோ பணம் பார்த்த மிலன் உருப்படியான ஏதேனும் வீரர் கொள்வனவை செய்த்தா என்றால் அதுவும் கிடையாது.

இந்த இருவரும் இல்லாமல் இதுவரை ஆடிய ஆட்டங்களில் மிலனின் நிலை என்ன தெரியுமா, சீரி ஏ நிலையில் 15வது இடத்தில் இருக்கிறது. முடிவுக்கு இன்னமும் தூரம் அதிகம் இருக்கிறது என்றாலும் , பிறின்ஸ் போட்டெங்கையும், ஃபிலிப் மாக்ஸிசையும் வைத்து தனது சக போட்டியாளர்களான யுவன்டஸ், உடேன்ஸ்,நபோலி ஆகிய அணிகளை எப்படி சமாளிக்கப்போகிறது என்பது தான் இப்போது மில்லியன் டாலர் கேள்வி. எது என்னமோ இந்த இரண்டு வீரர்களையும் வாங்கிய பாரிஸ் செயிண்ட் ஜேர்மன் அணிக்கு வழமை போலவே இந்த பருவகாலமும் தீபாவளி தான்!

சாபி மார்டீனஸ் & ஜோர்டி அல்பா

மார்டீனஸ்

ஜோர்டி அல்பா

இந்த இரு வீரர்களும் இருவேறு அணிகளில் இருந்து இரு வேறு அணிகளுக்கு பரிமாற்றம் செய்யப்பட்டிருக்கின்ற போதிலும் இந்த இருவரையும் இணைத்து வைத்து பார்க்க வேண்டிய தேவை இருக்கின்றது. இவர்கள் இருவருக்கும் இருக்கும் ஒரு ஒற்றுமை என்னவென்றால் இருவருமே ஸ்பெயினின் பிரதான லீக்கான லா லீகாவில் ஆடும்


அத்லடிக் பில்பாவோ ( மார்டீனஸ்) , வலன்சியா ( ஜோர்டி அல்பா) ஆகிய
கழகங்களுக்காக ஆடியவர்கள். 

இந்த இருவரையும் இணைத்து பார்ப்பதன் தேவை என்னவென்றால் ரியல் மட்ரிட் அணியின் முகாமையாளர் ஜொஸ் மொரின்ஹோ தெரிவித்திருந்த கருத்து தான். இந்த பருவாகாலம் ஆரம்பிக்க முன்னர் " இந்த பருவகாலத்தில் லாலீகாவின் சரித்திரம் மாறும், பார்சிலோனா மற்றும் மட்ரிட் அணிகள் லா லீகாவில் ஆதிக்கம் செலுத்தும் நிலை மாறும். வேறு ஏதாவது ஒரு அணி இந்த இரண்டு அணிகளில் ஏதேனும் ஒன்றை பிந்தள்ளும்" என்ற ரீதியில் கருத்து தெரிவித்திருந்தார். அந்த வகையில் பார்க்கும் போது அவரது கருத்து இந்த பருவகாலத்தில் சாத்தியப்படாதது என்றாலும் பார்சிலோனா மற்றும் மட்ரிட் அணிகளுக்கு சவால் விட்டு ஆடக்கூடிய அணிகள் பட்டியலில் வலன்சியா , அத்லடிக் பில்பாவோ அணிகள் தனியிடம் பெறுகின்றன. அவ்வாறான அணிகளின் முக்கிய வீரர்களை அந்த அணிகள் இழந்திருப்பதானது ஸ்பெயினின் இரு பிரதான அணிகளை மேலும் பலமுள்ளதாக ஆக்குமே ஒழிய ஒரு போது சவாலுக்கு உட்படுத்தாது.

ஜோர்டி அல்பாவை பார்சிலோனா கொள்வனவு செய்திருப்பதன் காரணம் இப்போது எரிக் அபிடாலினால் ஏற்பட்டிருக்கும் வெற்றிடத்தை நிரப்பவும் அதே நேரம் எதிர் காலத்தில் வெற்றிடமாகலாம் என எதிர் பார்க்கப்படும் டானி அல்விஸின் இடத்தை நிரப்பவுமே. இப்போது அதிக நேரம் மைதானத்தில் ஆடுவதற்கு ஜோர்டி அல்பாவுக்கு இடம் கிடைக்காத போதும் , பார்சிலோனா சார்பில் கணிசமான பங்கை அவர் ஆற்றும் காலம் வெகு அருகில் இருப்பதால் ஜோர்டி அல்பாவின் கொள்வனவு பார்சிலோனாவை பொறுத்தவரை முக்கியத்துவம் பெறுகிறது.

மார்டீனஸின் பயன் முனீக் பிரவேசமானது அவரது ஆட்டம் இன்னமும் மெருகுபட்டதாக இருப்பதற்கு வழிசெய்யும் என நம்பலாம்.தொடர்ச்சியாக இரண்டு பருவகாலத்தில் விட்ட இடத்தை பிடிப்பதற்கு பயன் முனீக் அணிக்கு சாபி மார்டீனஸ் ஒரு சிறந்த தெரிவு தான்.

லூக்கா மொட்ரிக்

மொட்ரிக்

இங்கிலாந்தின் பிரீமியர் லீக் ஆட்டத்தில் இதுவரை முதலிடம் வந்து கோப்பையை கைப்பற்றியிராத போதும் டோட்டின்ஹாம் ஹொட்ஸ்பர் அணி மீது எப்போதும் ஒரு எதிர் பார்ப்பு எல்லா தரப்பிலுமிருந்தும் இருக்கும். அந்த அணியின் போராடும் குணமும், துறு துறுவென்ற துடிப்பான ஆட்டமும் எனக்கு மட்டுமல்ல அனைவருக்கும் பிடிக்கும். கடந்த மூன்று பருவகாலங்களாக முதல் ஐந்து இடங்களுக்குள் டோட்டின்ஹாம் அணியானது இருந்து வந்திருக்கின்றது. இந்த அடைவுக்கு பின்னால் இருந்த மிக முக்கியமான வீரர் தான் லூக்கா மொட்ரிக். அத்தகைய ஒரு வீரரை தான் டோட்டின்ஹாம் அணி ரியல் மட்ரிட் அணிக்கு தாரைவார்த்திருக்கிறது.

 ரியல் மட்ரிட் அணியை பொறுத்தவரை மொட்ரிக்கின் வருகை ஒன்று அத்தகைய பெரும் பரிசு கிடையாது. காரணம் அங்கே ஏற்கனவே மொட்ரிக்கை விட இருமடங்கு திறமையான மிட்ஃபீல்டரான மெர்சுற் ஓர்ஸில் இருப்பது தான். ஆனால் மொட்ரிக்கின் இழப்பு டோட்டின்ஹாம் அணிக்கு பேரிழப்பு என்று தான் சொல்லவேண்டும். இதுவரை கடன் அடிப்படையில் ஆடிக்கொண்டிருந்த இம்மானுவேல் அடபயோரை டோட்டின்ஹாம் அணி இந்த பருவகாலத்தில் விலை கொடுத்து வாங்கியிருந்தாலும் , அடபயோரின் கோல்களுக்கு பின்னால் இருந்து அஸிட் செய்த மொட்ரிக்கை கோட்டை விட்டிருகிறது.

மொட்ரிக்கின் வருகை மைதானத்தில் மட்ரிட்டின் சார்பாக‌ இதுவரை குறிப்பிடத்தக்க மாற்றம் ஏதும் நிகழ்த்தியிராத போதும் அணியில் ஓர்ஸிலின் இருப்பு தொடர்பில் சர்ச்சையை கிளப்பியிருக்கிறது. நெருப்பே இல்லாமல் பத்திரிக்கையாளர் மாநாட்டில் ஓர்ஸில் அப்படி புகைய வேண்டிய அவசியம் இருக்காது. அது பற்றி பின்னர் ஒரு பதிவில் பார்க்கலாம்.

மய்க்கொன்

மய்க்கொன்

மய்க்கொன்னை பொறுத்தவரை இப்போதைய தேதியில்  உலகு தேடும் நட்சத்திர வீரர் கிடையாது, முப்பது வயது தாண்டியாகிவிட்டது! ஆனாலும் இவரது விற்பனை எனக்கு முக்கியமாக ஏன் படுகிறது என்றால் அவர் இணைந்திருக்கும் அணியும் அதன் ஏனைய வீரர்கள் மற்றும் ஃபோர்மேஷனும் தான். மன்செஸ்டர் அணியை பொறுத்தவரை மிட்ஃபீல்டர்கலுக்கும் சரி முன்கள வீரர்களுக்கும் சரி பின்களத்தில் இருந்து கிடைக்கும் உதவி கணிசமாக இருக்கும். ( தக்க உதாரணம் காலோ டுரே) பலோடெலி, சமிர் நஸ்ரி ஆகியோருக்கு பந்து காவுவதில் இந்த பின்கள வீரர்களின் பங்கு அதிகம்.

அப்படியான ஒரு பணியை செவ்வனே செய்யும் வலது பக்க விங் பெக்கானா மய்க்கொனின் கொள்வனவானது பிரீமியர் லீக் ஆட்டங்களில் மன்செஸ்டர் சிட்டி அணியின் ஆதிக்கத்துக்கு உதவும் என்பதில் ஐயமில்லை. எனினும் மய்க்கொனிடமிருந்து இன்னமும் முழு அளவிலான பங்கும் சிட்டி அணிக்கு கிடைக்கவில்லை என்றே சொல்லவேன்டும். ஆனால் அந்த நாள் தூரத்தில் இல்லை!

எனது சமீபத்தையா ஆச்சர்யம் மன்செஸ்டர் யுனைட்டட் அணிக்காக ஆடும் ஜப்பானின் ககாவா! அடுத்தடுத்த பதிவுகளில் இவரையும் பற்றி அலசலாம்!

ககாவா