உதைபந்து

Thursday, April 12, 2012

முடிஞ்சா படிச்சு பாரு மச்சி..... லா...லா... லா... லா... லா லீகா!


இந்த பதிவு எனது நீண்ட நாள் ஆசையை நிறைவேற்றுகின்ற அல்லது எனது தேடலுக்கு நானே விடை கூறுகின்ற ஒரு பதிவாக இருக்கலாம். நான் பதிவு எழுத ஆரம்பிக்கும் முன்னர் , அதாவது வெரும் ஒரு வாசகனாக இருக்கின்ற நேரங்களில் உதைபந்தாட்டம் தொடர்பில் பதிவுகளை எவராவது தமிழில்  எழுதுகிறார்களா என தேடிக்கோண்டே இருப்பேன். கிரிக்கட் ஒரு சமயாமாக ஆகிவிட்டிருக்கும் எமது ஆசிய பிராந்தியத்தில் , கிரிக்கட் பதிவுகள் வேண்டாம் என்கிற அளவுக்கு கொட்டி கிடந்ததே ஒழிய இதுவரை என் தேடலில் எந்த உதை பந்து தொடர்பான பதிவுகளும் சிக்கவில்லை. (எவருக்காவது தெரிந்தால் சொல்லுங்கள்)

எனக்கு தெரிந்து சிறந்த விளையாட்டு விமர்சனங்களை பதிவுகளாக இடும்  லோஷன் அண்ணாவும் , காங்கோனும் கூட உதை பந்து பற்றி மூச்சுவிடுவதில்லை. அவர்களால் அவ்வப்போது எழுதப்பட்ட உதை பந்து தொகுப்புகள் கூட உண்மையில் ஒரு உண்மையான உதை பந்து விமர்சனங்களாய் இருந்ததில்லை.



ஆக என் தேடலுக்கு நானே விடை கொடுக்க நினைத்து தான் இந்த பதிவு! நான் ஒன்றும் அத்தனை பெரிய உதை பந்து விமர்சகன் இல்லை, அது குறித்து எனக்கு எதுவும் தெரியாது. ஆனாலும் சாதாரண ஒரு உதை பந்து ரசிகனாய் எனது எண்ணங்கள் , எதிர் பார்ப்புக்களை எழுதலாம் என நினைக்கிறேன். அப்படித்தானே இன்று கிரிக்கட் விமர்சனங்கள் கூட கோடான கோடி ரசிகர்களால் எழுதப்படுகிறது.

எனக்கு நல்லாவே தெரியும் இந்த பதிவு உட்பட நான் எழுதப்போகும் அத்தனை உதைபந்து பதிவுகளும் 100 hitz கூட தாண்டாது , ஒரு பின்னூட்டம் கூட கிடைக்காது என்று. மிஞ்சிப்போனால் நான் அவர் பதிவுகளுக்கு சென்று பின்னூட்டம் இடும் ஒரே காரணத்துக்காக டாக்டர்.Dolitte மட்டும் வந்து ஒரு "அருமை நண்பா" என்று பின்னூட்டம் போடுவார். அது தவிர ஒரு ஈயும் இங்கே மொய்க்கப்போவது இல்லை. உன்னோட எந்த பதிவுமே 100 வாங்கினது இல்ல இதில இது மட்டும் எப்பிடி வாங்குமாக்கும்?)


இந்த கிரிக்கட் சூரிய வெளிச்சத்தில் இந்த மின் மினியின் வெளிச்சம் தெரியப்போவது இல்லை எனக்கு தெரியும். ஆனாலும் ( ஏன்டா உனக்கு இந்த வேண்டாத வேல?) இந்த பதிவின் நோக்கம் ,  என்னைப் போல எவராவது தமிழில் உதை பந்தாட்ட பதிவுகளை தேடினால் ஏதோ ராமனுக்கு அணிலின் உதவியை போல் எனது பதிவுகள் இருக்கட்டுமே என்று தான். ( இது வரை எவராவது உதை பந்தாட்ட பதிவுகளை எழுதியிருக்காத பட்சத்தில் , அதை வெற்றிகரமாக எழுதுபவர் என்ற விருதை எவராவது தரமாட்டார்களா என்ற அற்ப ஆசையும் தான்..... ஹி... ஹி ... ஹி.....)


ஒரு இலங்கை கிரிக்கட் அணியின் ரசிகர் இலங்கை அணியின் கோணத்தில் இருந்து கிரிக்கட் விமர்சனம் எழுதுவது போலவும் , ஒரு இந்திய அணி ரசிகர் அவரது அணியின் கோணத்தில் விமர்சனம் எழுதுவது போலவும் , எனது ரசனைக்குரிய லீக் ஆட்டமான லா-லீகா (ஸ்பெயின் நாட்டு உதைபந்தாட்ட லீக்)



மெஸ்ஸி, சாபி, இனியெஸ்ரா, டேவிட் வியா , கிறிஸ்டியானோ ரொனல்டோ, காகா, பீகே, புயோல், ஃபப்ரிகாஸ், பென்ஸமா என்று உலகின் தலை சிறந்த ஆட்டக்காரர்கள் ஆதிக்கம் செலுத்துகின்ற லீக் தான் லா லீகா  (ஸ்பானிஸ் லீக்). உலகின் தலை சிறந்த அணிகளான ரியல் மட்ரிட், பார்சிலோனா ஆகிய கழகங்கள் ஆடுவது இந்த லீக்கில் தான். உலகின் முதல் இரண்டு செல்வந்த அணிகளான இந்த றியல் மட்ரிட் மற்றும் பார்சிலோனா அணிகள் ஆரம்பத்திலிருந்தே சென்ம விரோதிகள்!

இந்த இரு அணிககளுக்கிடையான லா லீகா கோப்பைக்கான போட்டி தான் இப்போது சூடு பிடித்துளது. தொடரின் ஆரம்பத்தில் முதல் இடத்திலிருந்த ரியல் மட்ரிட் அணிக்கும் இரண்டாவது இடத்தில் இருந்த பார்சிலோனாவுக்கும் புள்ளி வித்தியாசம் 20 ஆக இருந்து பின்பு 10 ஆகி இப்போது வெறும் 1 ஆக இருக்கின்றது.

இந்த நிலையில் தான் பர்சிலோனாவின் துரத்தல் ஆரம்பித்திருக்கிறது. இது வரை இரு அணிகளும் 32 போட்டிகளை ஆடி முடித்திருகின்றன. இனி வரும் போட்டிகள் தான் இந்த இரு அணிகளின் நிலைகளை தீர்மானிக்கப் போகிறது. எதிர் வரும் 21ம் திகதி ரியல் மட்ரிட் பார்சிலோனாவை சந்திக்க இருக்கின்றது, இந்த போட்டி தான் அதி முகியமான போடியாகவும் இரு அணிகளின் இடங்களை தீர்மானிக்கின்ற போட்டியாகவும் இருக்கும்.



காரணம் இந்த இரு அணிகளுக்கு இடையிலான புள்ளி வித்தியாசம் 4 ஆக இருக்கின்றது, போட்டியில் பார்சிலோன வென்று விடும் பட்சத்தில் இந்த புள்ளி வித்தியசம் வெறும் 1 ஆக மாறிவிடும். அதன் பின்பு இடம் பெற போகும் சில போட்டிகள் அணியின் நிலைகளை இடம் மாற்றி விடும் வாய்ப்புக்கள் அதிகம்.

இப்போது இந்த போட்டியில் இவ்விரு அணிகளின் வெற்றி வாய்ப்புக்களை பார்க்கலாம். நான் ஆரம்பத்தில் குறிப்பிட்டது போலவே பார்சிலோனா மற்றும் மட்ரிட் அணிகள் சென்ம விரோதிகள் அதற்கு அரசியல் காரணங்கள் அதிகம் (இது குறித்து இன்னொரு பதிவில் பார்க்கலாம்). மட்ரிட் அணியுடன் தோல்வி அடைவதை பார்சிலோனா ரசிகர்களோ அல்லது அணி நிர்வாகமோ விரும்புவதில்லை. இந்த எதிர்பார்புக்களின் விளைவுகளை பார்சிலோனா எதிர் மட்ரிட் அணிகளுக்கு இடையிலான போட்டியில் பார்சிலோனா அணி ஆடும் விதத்தை பார்த்தாலே தெரியும்.

என்ன நடந்தாலும் , யாரோடு தோற்றாலும் ஏற்றுக்கொள்ளும் இந்திய ரசிகர்கள் , இந்திய அணி பாகிஸ்தானுடன் தோற்பதை கடுமையாக எதிர்ப்பார்களே ! அந்த  ஓர்மத்தில் இந்திய அணிகூட உயிரைக் குடுத்து ஆடுமே.... அது போலதான் இதுவும்.



இதுவரை இடம் பெற்ற பார்சினோல எதிர் மட்ரிட் அணிகளின் பெறுபேறுகளை கொஞ்சம் பார்க்கலாம்....

1902 இலிருந்து இதுவரை பார்சிலோனா எதிர் ரியல் மட்ரிட் அணிகள் 249 போட்டிகளில் (லா லீகா, சம்பியன்ஸ் லீக், கோபா டீ ரே, மற்றும் இதர கோப்பைகள் அடங்கலாக) மோதி இருகின்றன. இதில் 104 போட்டிகளில் பார்சிலோனாவும், 90 போட்டிகளில் மட்ரிட் அணியும் வெற்றி பெற்றிருகின்றன. 55 போட்டிகள் சமநிலையில் முடிந்திருக்கிறது.


(எதிர் வரும் 21ம் திகதி போட்டியை பார்சிலோனா கைப்பற்றும் என்ற கோணத்தில் தொடர்ந்து வாசிக்கவும்)
ரியல் மட்ரிட் மற்றும் பார்சிலோனாவுக்கு இடையில் இருக்கும்  அந்த ஒரு புள்ளி வித்தியாசம்  குறித்து பார்சிலோனாவால் ஏதும் செய்ய இயலாது. லா லீகாவில் இவ்விரு அணிகளுக்கும் மீதமிருக்கும் 5 போட்டிகளையும் இந்த இரு அணிகளும் வென்று விட்டால் அந்த ஒரு புள்ளி அப்படியே இருக்கும், கோப்பையை மட்ரிட் கைப்பற்றி விடும்.

ஆனால் நடைபெற இருக்கும் 5 போட்டிகளில் பார்சிலோனா எதாவது ஒரு போட்டியிலோ அல்லது எத்தனை போட்டியில் தோற்று , மட்ரிட் தனது மீதமிருக்கும் 5 போட்டிகளில் வென்றால் கோப்பை அதற்கு தான் . ஏற்கனவே அது 1 புள்ளி முன்னிலையில் இருக்கின்றது.



இப்போது போட்டியாளரான பார்சிலோனாதான் தனது ஒவ்வொரு அசைவையும் பக்குவமாக எடுத்து வைக்கிறது. 20 புள்ளிகள் பின்னணியில் இருந்து இப்போது 1 புள்ளி பின் தங்கி இருக்கும் பார்சிலோனா தனது மீதமுள்ள 5 போட்டிகளையும் தோற்பதற்கு விரும்பாது. அதன் குறி எல்லாம் மட்ரிட் அணி தோற்கப்போகும் ஏதாவது ஒரு போட்டி மீது தான். அப்படி ஒன்று நிகழ்ந்து , மீதமிருக்கும் போட்டிகளை பார்சிலோனா வென்றுவிட்டால் கனவு பலத்து விடும்.


அது போக  எதிர் வரும் 21ம் திகதி நடைபெறப்போகும் போட்டியானது பார்சிலோனாவின் கோட்டையான நியூ கேம்பில் (பார்சிலோனாவின் ஃகோம் கிரவுண்ட் ) நடைபெற இருக்கிறது. நியூ கேம்பில் சென்று பார்சிலோனாவை வீழ்த்துவது என்பது, சிங்கத்தின் குகையில் சென்று  அதன் பிடரி மயிரை பிடுங்கி எடுத்துகொண்டு உரோடு வெளிவருவதற்ற்கு சமம். தனது ஃகோம் கிரவுண்டில் அசைக்க முடியாத ஒரு அணியாக ஒரு அணி இருக்கிறது என்றால் அது பார்சிலோனாவே தான்.

இந்த பருவகாலத்தில் 32 போட்டிகளில் ,நியூ கேம்பில் 16 ஃகோம் ஆட்டங்களை ஆடியுள்ள பார்சிலோனா அதில் 15 போட்டிகளில் வெற்றியும் ஒரு சமநிலையையும்  அடைந்திருக்கின்றது. ரியல் மட்ரிட் அணியானது தான் ஆடிய 16 ஃகோம் ஆட்டங்களில் 13 வெற்றி , இரண்டு சமநிலை மற்றும் 1 தோல்வியையும் அடைந்திருக்கின்றது. அந்த தோல்விகூட பார்சிலோனவுடனான போட்டியில் தான் நிகழ்ந்தது. ரியல் மட்ரிட் அணியை அவர்களது மைதானத்தில் 3 - 1 என்ற கோல் கணக்கில் வீழ்த்தியது பார்சிலோனா!இந்த தரவுகள் பார்சிலோனா தனது சொந்த மைதானத்தில் அசைக்க முடியாத ஒரு சக்தியாக இருப்பதையே காட்டுகிறது.

ஆக இந்த போட்டியில் பார்சிலோனாவின் வெற்றி வாய்ப்பு கிட்டத்தட்ட உறுதி செய்யப்பட்டுள்ள நிலையில், இந்த போட்டியில் பார்சிலோனா வெற்றி பெறுவதாக எடுத்துக் கொண்டால் , இந்த இரு அணிகளின் புள்ளி வித்தியாசம் 1 ஆக இருக்கும். இங்கே, கடந்த ஆண்டு கைப்பற்றியதைப் போலவே  இந்த பருவகால கோப்பையையும் கைப்பற்ற துடிக்கும் பார்சிலோனாவின் கோப்பை கனவுக்கு அந்த ஒரு புள்ளி தடையாகவே இருக்கும்.

இப்போது இந்த இரு அணிகளுக்கும் மீதமுள்ள 5 போட்டிகளில் இவைகளுக்கு இருக்கும் வெற்றி வாய்ப்பை பார்க்கலாம். 

முதலில் பார்சிலோனா.........

எதிர்வரும் 14ம் திகதி லெவான்ரே அணியுடன் மோதுகிறது பார்சிலோனா. மீதமிருக்கும் 5 போட்டிகளில் பார்சிலோனாவுக்கு சவாலாக இருக்கக் கூடிய போட்டி இதுவாக தான் இருக்கும். இந்த போட்டி லெவான்ரே அணியின் மைதானத்தில் இடம்பெறுகின்றது. லா லீகா பட்டியலில் 5ம் இடத்தில் இருக்கும் லெவான்ரே அணியுடனான போட்டியில் வென்று விட்டால் பார்சிலோனாவின் கோப்பை கனவில் ஒரு படியை அது தாண்டி விடும்.

21ம் திகதி மட்ரிட் அணியுடன் மோதுகிறது  பார்சிலோனா, இந்த போட்டியில் நிச்சய வெற்றி பார்சிலோனாவுக்கு என்கிறது உதை பந்தாட்ட உலகு. இது குறித்து அலசி விட்டதால் அடுத்த போட்டியில் 29ம் திகதி  ராயோ வெயெகானோ அணியுடன் மோதுகின்றது. இதுவும் பார்சிலோனாவுக்கு வெளி மைதான போட்டி தான். ஆனாலும் 12வது இடத்தில் இருக்கும் ராயோ அணியை வீழ்த்துவது பார்சிலோனாவுக்கு சிரமமானதாக இருக்காது.



அடுத்து 2/5/12 இல் மாலகா அணியுடனும் , 6/5/12 இல் எஸ்பானியோல் அணியுடனும் மோதுகின்றது பார்சிலோனா. தரவரிசையில் முறையே 4ம், 10 இடங்களில் இருக்கும் மாலகா, எஸ்பானியோல் அணிகள் மோதவிருப்பது , பார்சிலோனாவின் கோட்டையான நியூ கேம்பில். எனவே இந்த போட்டியில் பார்சிலோனாவின் வெறி உறுதி என சொல்லலாம். அடுத்து லா லீகாவில் தனது  இறுதிப்போட்டியில் பெற்றீஸ் அணியுடன் மோதுகின்றது பார்சிலோனா.13வது இடத்தில் இருக்கும் பெற்றீஸ் அணி பார்சிலோனாவை வீழ்த்துவது கடினம் தான்.

ஆக ஒரு சவாலான போட்டி தவிர (அதையும் பார்சிலோனா வெல்லும் என்பது எனது தனிப்பட்ட நம்பிக்கை), லா லீகாவில் மீதமுள்ள தனது அத்தனை போட்டிகளையும் வென்றுவிடும் சாத்தியக்கூறு உ ள்ளது பார்சிலோனாவுக்கு.

இப்போது ரியல் மட்ரிட் அணியின் பக்கம் போகலாம்.......

 பார்சிலோனா தனது அனைத்து போட்டிகளையும் வென்று மட்ரிட் ஒரு போட்டியில் தோற்றால் கூட கதை கந்தலாகிவிடும் மட்ரிட்டுக்கு. சரி இவர்களது போட்டிகளை பார்க்கலாம்.

14/4/12 இல் ஸ்போர்டிங் கஜோன் அணியுடன் மோதுகின்றது மட்ரிட்.அடுத்த தடவை லா லீகாவில் இருந்து வெளியேறிவிடும் நிலையில் (தரவரிசையில் 18வது இடம்) உள்ள கஜோன் அணியை தனது சொந்த மைதானத்தில் வீழ்த்துவது எனபது மட்ரிட் அணிக்கு அல்வா சாப்பிடுவது போன்றது. அடுத்த போட்டி 21/4/12இல் பார்சிலோனாவுடன், பார்சிலோனாவின் கோட்டையில். மட்ரிட்டுக்கு ஆப்பு நிச்சயம் என்பது எனது நம்பிக்கை. இரு அணிகளின் வாழ்வா ! சாவா போட்டி வேறு!

அடுத்ட போட்டி தரபட்டியலில் 8ம் இடத்தில் இருக்கும் செவிலியா அணியுடன். அதுவும் மட்ரிட் அணியின் மைதானத்தில் தான். இந்த போட்டியும் மட்ரிட் அணிக்கு சாதகமானதகவே அமையும் வாய்ப்புக்கள் அதிகம்.



பார்சிலோனா எதிர்பார்த்திருக்கும் நாள் 2/5/12 . அன்று தான் மட்ரிட் அத்லரிக் பில்பவோ அணியை சந்திக்கின்றது. அதுவும் பில்பாவோ அணியில் மைதானத்தில். லா லீகாவில் 7ம் இடத்தில் இருக்கும் பில்பாவோ அணியை பார்சிலோனா நம்புவதற்கு காரணம் இல்லாமல் இல்லை. 2012ம் ஆண்டு பருவகாலத்துக்கான ஐரோப்பா லீக் கிண்ன போட்டிகளில் தனது மைதனத்திலும் , எதில் மைதானத்திலும் உலகின் தலை சிறந்த அணிகளில் ஒன்றும், இங்லீஷ் பிரிமியர் போட்டிகளில் ஆதிக்கம் செலுத்துகின்றதும் , ரூனி, நானி, எவ்ரா, ஜே.எஸ்.பார்க், விடிக் என்று நட்சத்திர பட்டாளங்கள் உலாவரும் மன்செஸ்டர் அணியை விரட்டி விரட்டி அடித்தது தான் அந்த நம்பிக்கைக்கு காரணம். இந்த போட்டியில் வென்றால் கோப்பையை மட்ரிட் தக்க வைப்பது உறுதி. ஆனால் அது பெரும் சவாலானதாகவே இருக்கும்...இந்த பில்பாவோ அணி மட்ரிட்டின் மைதானத்தில் மட்ரிட்டுக்கு ஒரு கோல் அடித்து அதிர்ச்சி கொடுத்த வரலாறும் உண்டு.

அடுத்டு மட்ரிட் எதிர்கொள்ளப் போகும் போட்டிகளில் 15வது இடத்தில் இருக்கும் மல்லோர்க்கவும் 16வது இடத்தில் இருக்கும் கிராண்டாவும் மோதவிருக்கின்றன.இந்த போட்டிகள் மட்ரிட்டின் நிச்சய வெற்றிகளாக இருக்கும்.

ஆக லா லீகாவின் முதல் இடத்திற்கு உலகின் தலை சிறந்த  முதல் இரண்டு அணிகள் மோதிவருகின்றன. கிண்ணம் யாருக்கு என்பதை 21/4/2012 திகதி போட்டியும் , 2/5/2012 போட்டியும் தான் முடிவு செய்யும் என்பது எனது கணிப்பு.



டிஸ்கி:- இந்த கிரிக்கட் சூறாவளிக்குல் எனது இந்த பதிவு சின்ன பின்னமாகி போகும் என்பது எனக்கு தெரிஉம்.ஆனாலும் வாசிக்கும் நீங்கல் ஒரு உதைபந்தாட்ட எஅசிகராகவோ, அல்லது உதை பந்தாட்டத்தை ரசிப்பவராகவோ இருந்தால் தயவு செய்து பின்னூட்டம் போட்டு விட்டுபோங்கள்.அது என்னை உற்சாகப் படுத்தும். ரொம்ப கஷ்டப்பட்டு எழுதினன் அண்ணாச்சி! பாத்து ஏதாச்சும் பண்ணுங்க!

10 comments:

  1. Replies
    1. thanks to u foe the support Dinesh. hope i'll continue feather more! r u a la liga football fan?

      Delete
    2. messi is my fav/- player so i watch all the fcb matchs...

      Delete
    3. same here Dinesh! but a small different, u r his fan, for me he is my god! have a look at my blog template !

      Delete
  2. This comment has been removed by the author.

    ReplyDelete
  3. நன்றி தலைவா. நான் ஒரு விளையாட்டு ரசிகன் - Cricket அல்லது Football அல்லது Golf. எதுவாக இருந்தலு ரசிப்பது நமது கடமை. :-) Football -க்காக நீங்கள் ஆரம்பித்திருக்கும் வலைத்தளம் நல்ல முயற்சி. மான்செஸ்டர் யுனிடைட் -தான் உலகின் பணக்கார அணி என்று நினைக்கிறேன். சரியா?

    உங்கள் பணி தொடரட்டும். வாழ்த்துக்கள்!!!

    ReplyDelete
    Replies
    1. உங்களது மேலான பின்னூட்டத்துக்கு நன்றி நண்பா! தொடர்ந்தும் உங்களது ஆதரவு எனக்கு தேவை. எனக்கு கிரிக்கட், உதைபந்து மட்டும் தான் தெரியும். கோல்ஃபை பொறுத்த வரை டைகர் வூட்ஸ்சை தவிர வேறு எதுவும் தெரியாது.

      அணி கொண்டிருக்கும் சொத்துக்களின் அடிப்படையில் முதல் இடத்தில் ரியல் மட்ரிட்டும், இரண்டாம் இடத்தில் பார்சிலோனாவும் இருக்கின்றது. மூன்றாம் இடத்தில் மன்செஸ்டர் இருக்கலாம். ஆனால் ஒரு அணி தனது ரசிகர்களுக்கு வழங்குகின்ற சேவைகளின் அடிப்படையில் பார்கப்போனால் மன்செஸ்டர் முன்னணியில் இருக்கக் கூடிய வாய்ப்புக்கள் அதிகம். தனது ரசிகர்களுக்காக பாடசாலைகள், அதி நவீன மருத்துவமனைகள் (மன்செஸ்டர் நகரின் அதி நவீன மருத்க்டுவ மனைகள் இவர்களுடையது தான் என்று எங்கோ படித்த ஞாபகம்) , பிரசவ விடுதிகள் என்று சேவைகளை அள்ளி வழங்குகிறார்கள்.

      மீண்டும் தங்களது பின்னூட்டத்துக்கு நன்றி சகோதரா!

      Delete
  4. நண்பரே, அருமை..அருமை...அசத்தல்..நல்ல அலசல்.
    இனி, எந்த காற்பந்து விமர்சனங்களை ஆங்கிலத்தில் வாசிப்பதை குறைத்துவிட்டு, நம்ம தமிழில் அழகா எழுதுற நீங்களே முழுமுதற் நம்பிக்கை எனக்கு, இனி ஐந்து கேம்ஸ் இருக்கு..பார்ப்போம் யாரு கடைசில கிங்குன்னு.பார்சா வின்..

    ReplyDelete
    Replies
    1. அட ஆங்கில விமர்சனங்களும் படிங்க ! நாலு இடத்தில படிக்கிறது நமக்கு நல்லது தானே! அது போக நான் ஒன்றும் பெரிய விமர்சகன் இல்லையே! ஏதோ எனக்கு தோணுவதை எழுதுகிறேன் அவளவு தான்.

      நம்புவோம் நாம சாதிப்போம் என்று!

      Delete
  5. மிஞ்சிப்போனால் நான் அவர் பதிவுகளுக்கு சென்று பின்னூட்டம் இடும் ஒரே காரணத்துக்காக டாக்டர்.Dolitte மட்டும் வந்து ஒரு "அருமை நண்பா" என்று பின்னூட்டம் போடுவார்.

    "அருமை நண்பா"

    ReplyDelete

LinkWithin

Related Posts Plugin for WordPress, Blogger...